ઇડરમાં ધોરણ બારની બોર્ડની પરીક્ષા આપવા માટે પરીક્ષા કેન્દ્ર તરફ જઇ રહેલ વિદ્યાર્થીની તબિયત લથડવાને લઈ રસ્તામાં ઢળી પડ્યો હતો. જેને લઈ સ્થાનિકો દ્વારા વિદ્યાર્થીને ખાનગી હોસ્પિટલમાં ખસેડવામાં આવ્યો હતો.જ્યાં તેનું સારવાર દરમિયાન મોત નિપજ્યુ હોવાના સમાચાર સામે આવ્યા છે.
બારમાં ધોરણનો પરીક્ષાર્થી વિદ્યાર્થી ઇડરના કાનપુર ગામનો હતો અને તે શુક્રવારે સંસ્કૃતના પેપરને આપવા માટે જઈ રહ્યો હતો. આ દરમિયાન જ તે રસ્તામાં ઢળી પડ્યો હતો. વિદ્યાર્થીના મોતને પગલે શિક્ષકો અને સ્થાનિકોના ટોળા ઉમટી પડ્યા હતા.