દાહોદ : લક્ષ્મી પાર્ક સોસાયટીમાં પ્રાથમિક સુવિધાઓનો અભાવ, પાણી ન મળતાં સ્થાનિકોમાં રોષ

દાહોદના ગોદીરોડ પર આવેલા લક્ષ્મી પાર્ક સોસાયટીના રહીશો સુવિધાઓથી વંચિત છે. 14 વર્ષ પછી પણ પાણી ન મળતા સ્થાનિકોમાં રોષ ફેલાયો છે. પાલિકાએ પોલીસ બંદોબસ્ત સાથે રાખી ગેરકાયદેસરના નળ જોડાણો કાપી નાખ્યાં છે. લેખિત અને મૌખિક રજૂઆત કરવા છતાં ઉકેલ આવ્યો નથી.

આ પણ વાંચો દાહોદ : મિલાપ શાહની હત્યાનો ભેદ ઉકેલાયો, પોલીસે ગણતરીના કલાકોમાં 4 આરોપીઓને દબોચ્યા

અધિકારીઓ કે ચુટાયેલ પ્રતિનિધિઓ રજૂઆત સાંભળતા ન હોવાનો સ્થાનિકોનો આક્ષેપ છે. સ્થાનિકોએ ભાજપ-કોંગ્રેસ વિરુદ્ધ સુત્રોચ્ચાર કરી વિરોધ નોંધાવ્યો હતો. સત્વરે પાણી સહિતની પ્રાથમિક સુવિધા આપવાની માગ સાથે 250થી વધુ પરિવારના લોકોએ સુત્રોચ્ચાર કરી વિરોધ નોંધાવ્યો હતો.