ગુજરાત વિધાનસભા ચૂંટણીને (Gujarat Assembly Elections 2022) લઇને હવે કોંગ્રેસ પણ તડામાર તૈયારીઓમાં લાગી ગયુ છે. કોંગ્રેસ (Congress) દ્વારા ગુજરાતમાં પ્રચાર પ્રસાર માટેની રૂપરેખા તૈયાર કરવામાં આવી રહી છે. જેમાં સપ્ટેમ્બરના અંતમાં ઉત્તર પ્રદેશના કોંગ્રેસ મહાસચિવ પ્રિયંકા ગાંધી (Priyanka Gandhi) પણ ગુજરાત આવે તેવી શક્યતા છે. વડોદરામાં પ્રિયંકા ગાંધી રોડ-શો કરી શકે છે. તો આણંદમાં (Anand) મહિલા સંમેલનમાં તેઓ ભાગ લે એવી શક્યતા છે. આણંદ અથવા વડોદરામાં (Vadodara) ગરબા કાર્યક્રમમાં તેઓ ભાગ લઇ શકે છે. તો પ્રિયંકા ગાંધીના કાર્યક્રમને પ્રદેશ કોંગ્રેસ આખરી ઓપ આપી રહ્યુ છે.
ગુજરાત વિધાનસભા ચૂંટણીને લઇને હવે કોંગ્રેસ પણ એકટીવ મોડ પર આવી ગયુ છે. આગામી ચૂંટણીને ધ્યાને રાખીને કોંગ્રેસના અલગ અલગ નેતાઓના કાર્યક્રમો ડીઝાઇન કરવામાં આવી રહ્યા છે. જેની અંદર કોંગ્રેસના પ્રિયંકા ગાંધીનો કાર્યક્રમ પણ નક્કી કરવામાં આવી રહ્યો છે. સપ્ટેમ્બર માસના અંત સુધીમાં કે જ્યારે નવરાત્રિનો કાર્યક્રમ પણ ગુજરાતમાં મનાવવામાં આવી રહ્યો હશે, ત્યારે પ્રિયંકા ગાંધી ગુજરાત પ્રવાસે આવી શકે છે. આણંદ અને વડોદરાના વિવિધ કાર્યક્રમોમાં પ્રિયંકા ગાંધી ભાગ લેશે.
પ્રિયંકા ગાંધી ગુજરાત પ્રવાસ દરમિયાન એક મહિલા સંમેલનમાં હાજરી આપવાના છે. ત્યારબાદ નવરાત્રિમાં ગરબા કાર્યક્રમમાં પ્રિયંકા ગાંધી ભાગ લે તેવી પણ શક્યતા છે. પ્રિયંકા ગાંધીના ગુજરાત પ્રવાસનો કાર્યક્રમ લગભગ નક્કી જ માનવામાં આવી રહ્યો છે. કારણકે કોંગ્રેસ દ્વારા પણ તેમના કાર્યક્રમને લઇને તૈયારીઓ કરવામાં આવી રહી છે. આ પહેલી વખત હશે કે તેઓ ગુજરાત વિધાનસભા ચૂંટણીના કેમ્પેઇનમાં ભાગ લેવા જઇ રહ્યા છે. વર્ષ 2017માં રાહુલ ગાંધી દ્વારા અલગ અલગ જગ્યાઓ ઉપર ત્રણ ત્રણ દિવસીય યાત્રા યોજવામાં આવી હતી. એ જ પ્રકારની યાત્રાઓ પણ આગામી સમયની અંદર પ્રિયંકા ગાંધી ગુજરાતમાં કરી શકે છે.
(વીથ ઇનપુટ-નરેન્દ્ર રાઠોડ,અમદાવાદ)
Published On - 1:02 pm, Mon, 19 September 22