સુરેન્દ્રનગરના વસ્તડી નજીક પુલ તૂટ્યો (Bridge Collapsed) હોવાની ઘટના સામે આવી છે. નેશનલ હાઇવેથી ચુડાને જોડતો પુલ તૂટ્યો છે. પુલ પરથી પસાર થતું ડમ્પર સહિતના વાહનો પાણીમાં ગરકાવ થયા હોવાની પ્રાથમિક માહિતી સામે આવી છે. નદીમાં ખાબકેલા વાહન ચાલકોની શોધખોળ શરૂ કરવામાં આવી છે.
અંદાજીત 10થી વધુ લોકો પાણીમાં ગરકાવ થયા હોવાની માહિતી છે. સરપંચ સહિતના અગ્રણીઓ સ્થળ પર પહોંચ્યા છે અને બચાવ કામગીરી હાથ ધરવામાં આવી છે. પુલ તૂટતાં લોકોના મનમાં અનેક સવાલો ઉભા થયા છે. શું નબળા બાંધકામને કારણે આ પુલ તૂટ્યો છે. કારણ કે નબળા બાંધકામ અંગે સ્થાનિકોએ ફરિયાદ કરી હતી છતાં તંત્રએ ધ્યાન ન આપ્યું હોવાનું સામે આવ્યું છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 7:26 pm, Sun, 24 September 23