Biparjoy Cyclone: દ્વારકામાં ખાબક્યો ધોધમાર વરસાદ, રસ્તાઓ પર ભરાયા પાણી, જનજીવન પ્રભાવિત-Video

દેવભૂમિ દ્વારકા (Devbhumi Dwarka) માં ધોધમાર વરસાદ ખાબક્યો છે. દ્વારકામાં વહેલી સવારથી જ માહોલ વરસાદી રહ્યો છે. શુક્રવારે દિવસે પણ ધોધમાર વરસાદ વરસવાને લઈ સ્થાનિક જનજીવન પ્રભાવિત થયુ હતુ. ભારે વરસાદને લઈ દ્વારકા શહેરના રસ્તાઓ પર પાણી ભરાઈ ગયા છે. નિચાણ વાળા વિસ્તારમાં પણ પાણી ભરાયા છે. વરસાદી પાણી રસ્તાઓ પર ભરાઈ જવાને લઈ અનેક વાહનો પણ બંધ પડી ગયા હતા. દ્વારકામાં ચારેય તરફ પાણી જ પાણી થઈ ગયુ હતુ.

બિપરજોય વાવાઝોડા (Biparjoy Cyclone) ને લઈ ભારે વરસાદની આગાહી અગાઉ થી જ કરવામાં આવી હતી. જે મુજબ આજે દિવસ દરમિયાન વરસાદ ખાબક્યો હતો. ભારે વરસાદ વરસવાને લઈ દ્વારકામાં અનેક સમસ્યાઓ સર્જાઈ હતી. અનેક વિસ્તારોમાં વિજળી ગઈકાલથી ખોરવાઈ ચૂકી છે. ત્યાં હવે વરસાદ ધોધમાર વરસતા ફરીથી જનજીવન પાટે ચડવામાં વાર લાગશે એવી સંભાવનાઓ લાગી રહી છે.