Ahmedabad: અમદાવાદમાં તાજેતરમાં 2જી નેશનલ યોગાસન સ્પોર્ટ્સ ચેમ્પિયનશિપ (National Yogasana Championship) યોજવામાં આવી હતી. આ સ્પર્ધામાં અનેક સ્પર્ધકોએ ભાગ લીધો હતો. આ સ્પર્ધામાં ભાવનગરની (Bhavnagar Girl) દીકરી ચમકી હતી. સ્પર્ધામાં ભાવનગરની જાહ્નવી મહેતાએ ગોલ્ડ અને બ્રોન્ઝ મેડલ જીત્યો છે. જણાવી દઈએ કે આ નેશનલ યોગાસન સ્પર્ધામાં ભારતમાંથી 800 થી વધુ સ્પર્ધકોએ ભાગ લીધો હતો.
સરકારનાં આદેશ મુજબ કોવિડ-19 ને ધ્યાને લઈને ફાઇનલિસ્ટ 250 જેટલા ખેલાડી વચ્ચે જ ઓફલાઇન સ્પર્ધા લકુલીશ યોગ યુનિવર્સિટીમાં યોજાઈ હતી. તો દેશના 26 રાજ્યોમાંથી આ સ્પર્ધામાંમાં ભાગ લેવા માટે યોગ મહારથી આવ્યા હતા. જેમાં ગુજરાત એમાય ભાવનગરની દીકરીએ બાજી મારી હતી, અને ગુજરાત પ્રથમ સ્થાને રહી ચેમ્પિયન બન્યું.
આ પણ વાંચો: દાણીલીમડામાં ગેરકાયદેસર યુરિયા ખાતરથી કેમિકલ બનાવવાનું કૌભાંડ ઝડપાયું, 7 વર્ષથી ધમધમી રહ્યો હતો ગોરખધંધો
આ પણ વાંચો: સુશાસન સપ્તાહના પ્રારંભમાં CM ભુપેન્દ્ર પટેલની મોટી ભેટ, આ નિયમો બદલીને જનહિત નિર્ણયોની કરી જાહેરાત