Breaking News : ભરૂચ ACBનો સકંજો, ફૂડ એન્ડ ડ્રગ્સ વિભાગના બે અધિકારી લાંચ લેતા રંગેહાથ ઝડપાયા
ભરૂચ ફૂડ એન્ડ ડ્રગ્સ વિભાગમાં લાંચકાંડથી ખળભળાટ મચ્યો છે. મદદનીશ કમિશનર પ્રકાશભાઈ પોસાણ અને ડ્રગ ઇન્સ્પેક્ટર સુરભી દેસાઈ દવાના હોલસેલ લાઇસન્સ માટે રૂ. 40 હજારની લાંચ સ્વીકારતા ACBના છટકામાં રંગેહાથ ઝડપાયા છે.
ભરૂચના ફૂડ એન્ડ ડ્રગ્સ વિભાગમાં એન્ટી કરપ્શન બ્યુરો (ACB) દ્વારા મોટી કાર્યવાહી કરવામાં આવી છે, જેમાં વિભાગના બે ઉચ્ચ અધિકારીઓ લાંચ લેતા રંગેહાથ ઝડપાઈ ગયા છે. આ ઘટનાને પગલે સમગ્ર વિભાગમાં અને વેપારી વર્ગમાં ભારે ચકચાર મચી ગઈ છે.
પ્રાપ્ત વિગતો અનુસાર, મદદનીશ કમિશનર પ્રકાશભાઈ પોસાણ અને ડ્રગ ઇન્સ્પેક્ટર સુરભી દેસાઈ લાંચ સ્વીકારતા ACBના છટકામાં ફસાયા હતા. તેમના પર દવાના હોલસેલ લાઇસન્સ આપવા માટે રૂ. 50 હજારની લાંચની માંગણી કરવાનો આરોપ હતો. ફરિયાદ મળ્યા બાદ ACBએ સુઆયોજિત છટકું ગોઠવ્યું હતું, જેમાં બંને અધિકારીઓ રૂ. 40 હજારની લાંચ સ્વીકારતા પકડાઈ ગયા હતા.
આ કાર્યવાહીથી સરકારી વિભાગોમાં લાઇસન્સ મેળવવાની પ્રક્રિયામાં લાંચની માંગણી થતી હોવા અંગે અનેક સવાલો ઊભા થયા છે. ACBએ આ મામલે કાયદેસરની કાર્યવાહી હાથ ધરી છે અને વધુ તપાસ ચાલી રહી છે. આ ઘટના ભરૂચના ફૂડ એન્ડ ડ્રગ્સ વિભાગમાં પારદર્શિતાના અભાવ અને ભ્રષ્ટાચારને ઉજાગર કરે છે, જેના કારણે વિભાગની છબીને મોટો ફટકો પડ્યો છે.
ગુજરાતમાં 19 અને 20 ઓગસ્ટે 17 જિલ્લાઓમાં વરસાદની આગાહી, જુઓ Video
