સિરપ કાંડ બાદ પોલીસ તંત્ર સફાળુ જાગ્યુ, રાજ્યમાં ઠેર-ઠેર ઝડપાયું નશાકારક સિરપ, જુઓ વીડિયો

ખેડા જિલ્લામાં નશાકારસ સિરપ કાંડ બાદ રાજ્યનું પોલીસ તંત્ર સફાળું જાગ્યું છે.રાજ્યમાં તમામ સ્થળે દરોડા પાડીને શંકાસ્પદ સિરપનો જથ્થો જપ્ત કરવાની કાર્યવાહી ગત મોડી રાતથી જ શરૂ કરી દેવાઈ છે.ખેડા જિલ્લામાં નશાકારક સિરપ પીવાથી 5 લોકોનાં મૃત્યુ થયા.ત્યારપછી પોલીસ હરકતમાં આવી છે. ટીવી સ્ક્રિન પર પોલીસની કાર્યવાહીની 6 તસવીરો જોઈ શકો છે.

મહેસાણામાં શંકાસ્પદ સિરપની 2 હજાર 300 બોટલ સાથે એક શખ્સની અટકાયત કરાઈ છે.જ્યારે ઊંઝામાં ગોકુલ ડેરી પાર્લરમાંથી આયુર્વેદિક સિરપની 121 બોટલ જપ્ત કરાઈ છે.આ તરફ ડીસાના ભીલડીમાંથી સિરપની 1 હજારથી વધુ બોટલ જપ્ત કરાઈ છે.જ્યારે બોટાદના ગઢડામાં રૂપિયા 12 હજારની કિંમતનો 80 બોટલ સિરપનો જથ્થો જપ્ત કરાયો છે.તેવી જ રીતે જામનગરમાં હર્બલ ટોનીકના નામે વેચાતા કેફી પીણાની 96 બોટલ જપ્ત કરાઈ છે.