અમરેલીના (Amreli) વડિયામાં ફરી લવ જેહાદનો કિસ્સો (Love Jihad) થયો હોવાની ફરિયાદ નોંધાઇ છે. હિન્દુ યુવતીને વિધર્મી યુવક ભગાડી ગયો હોવાના આક્ષેપ સાથે આ ફરિયાદ કરવામાં આવી છે. વડિયાના (Vadiya) એક ખેડૂત પરિવારની દિકરીને તેના જ ઘરેથી બળજબરી પૂર્વક ઢસડી વિધર્મી યુવક અને તેના પરિવારજનો ઉપાડી ગયા હોવાનો આક્ષેપ થયો છે. તો બીજી તરફ આ ઘટના બાદ હિન્દુ સંગઠનોમાં (Hindu) રોષ ફેલાયો છે અને વિધર્મી યુવકે અપહરણ કર્યું હોવાના આક્ષેપ સાથે વિશ્વ હિન્દુ પરિષદના (Vishva Hindu Parishad) કાર્યકરોએ વિરોધ નોંધાવ્યો હતો.
તો વિરોધ નોંધાવી મામલતદારને (Collector) આવેદન પાઠવ્યું હતું અને વિધર્મી યુવક સામે કડક કાર્યવાહીની માગ કરી હતી. સાથે- સાથે જો 10 દિવસમાં યુવતી ઘરે પરત નહીં આવે તો ઉગ્ર વિરોધની ચીમકી પણ ઉચ્ચારી છે. જો કે બીજી તરફ અમરેલીના DYSPએ લવજેહાદની ઘટનાને ફગાવી અને કહ્યું કે વડિયામાં કોઇ અપહરણ કે લવજેહાદની ઘટના નથી બની. યુવક અને યુવતી પોતાની અને પરિવારની મરજીથી સાથે ગયા છે. લવજેહાદની માત્ર અફવા છે.
Published On - 7:29 am, Thu, 22 September 22