જિરાફને છેડવું ગેંડાને પડ્યુ ભારે, વીડિયોમાં જુઓ જિરાફે કેવી રીતે લાત મારીને ભણાવ્યો પાઠ

જંગલના પોતાના નિયમો હોય છે, સિંહ ભલે અહીં રાજા હોય પરંતુ અન્ય પ્રાણીઓ પણ કોઈથી ઓછા નથી. જો કે જંગલમાં કેટલાક પ્રાણીઓ જોવામાં ખૂબ જ શાંત લાગે છે, પરંતુ જો કોઈ તેમને ચીડવે તો સામેની વ્યક્તિની તબિયત પછી તેઓ સારી નથી રહેવા દેતા. આજકાલ સોશિયલ મીડિયા (Social Media) પર કંઈક આવું જ વાયરલ (Viral on Social Media)  થઈ રહ્યું છે, જેને જોઈને તમે પણ હસી પડશો.

જિરાફની ગણતરી જંગલમાં ખૂબ જ શાંત પ્રાણીઓમાં થાય છે, પરંતુ જો કોઈ તેને ખલેલ પહોંચાડવાનું વિચારે છે, તો આ પ્રાણી તેને પાઠ શીખવવાનું જાણે છે. તાજેતરના સમયમાં કંઈક આવું જ સામે આવ્યું છે. એક ગેંડો આ જીરાફને પરેશાન કરવા આવે છે ત્યારે તેને એવો પાઠ ભણાવે છે કે ગેંડો તેને જન્મો સુધી યાદ રાખશે અને બીજાને પરેશાન કરતા પહેલા સો વખત વિચારશે.

વાયરલ થઈ રહેલા વીડિયોમાં તમે જોઈ શકો છો કે એક ગેંડો જિરાફની નજીક આવે છે અને તેને પરેશાન કરવા લાગે છે, જિરાફ લાંબા સમય સુધી તેની મજાકને સહન કરે છે, પરંતુ જ્યારે પાણી માથા પરથી પસાર થઇ જાય છે, ત્યારે તે તેને એવી રીતે લાત મારે છે કે ગેંડો તરત જ ત્યાંથી ભાગી જાય છે.

આ વીડિયોને સોશિયલ મીડિયા પર લોકો ખૂબ પસંદ કરી રહ્યા છે. આના પર ઘણા યુઝર્સે ફની કોમેન્ટ્સ કરી છે. વીડિયો પર કોમેન્ટ કરતા એક યુઝરે લખ્યું, ‘આજ પછી આ ગેંડો કોઈને પણ હેરાન કરતા પહેલા સો વખત ચોક્કસથી વિચારશે. બીજી તરફ અન્ય એક યુઝરે લખ્યું, ‘જિરાફની લાતમાં ગધેડાની લાત કરતાં વધુ શક્તિ હોય છે.’ અન્ય એક યુઝરે લખ્યું, ગેંડાએ દિવસ દરમિયાન તારાઓ જોઇ લીધા હશે. આ સિવાય બીજા ઘણા યુઝર્સે આ વીડિયો પર પોતાની પ્રતિક્રિયા નોંધાવી છે.

તમારી જાણકારી માટે તમને જણાવી દઈએ કે આ ફની વીડિયો ઈન્ડિયન ફોરેસ્ટ સર્વિસ ઓફિસર સુશાંત નંદાએ શેર કર્યો છે. જેની સાથે તેણે કેપ્શન લખ્યું, હવે ગેંડાને જીરાફની લાત જીવનભર યાદ રહેશે સમાચાર લખાય ત્યાં સુધી 25 હજારથી વધુ વ્યુઝ મળી ચૂક્યા છે.

આ પણ વાંચો – Uttar Pradesh: યુપીમાં દરરોજની 3 દીકરીઓ થઈ રહી છે ગાયબ ! રાજ્યના 50 જીલ્લાના આંકડા આવ્યા સામે, RTIમાં થયો ચોંકાવનારો ખુલાસો

આ પણ વાંચો – ડેલ્ટા કરતા પણ વધુ ઘાતક છે કોરોના વાયરસનો નવો B.1.1.1.529 વેરિયન્ટ, જાણો નવા વાયરસ સંબંધિત 5 મહત્વની બાબત