New BABY Video : બાળકોનું બાળપણ તે તેમના જીવનનો સૌથી અમૂલ્ય સમય હોય છે. દરેક મા-બાપ તેમના બાળકના બાળપણને યાદગાર બનાવવાનો પૂરેપૂરો પ્રયત્ન કરે છે. પણ કેટલાક બાળકો મા-બાપના વધારે પડતા પ્રેમને કારણે તોફાની થઈ જતા હોય છે. તે બાળકોના તોફાન એટલા હદ સુધી વધી જાય છે કે મા-બાપ સારી રીતે ઉંઘ પણ નથી લઈ શકતા. હાલમાં આવા જ એક તોફાની બાળકનો વીડિયો સોશિયલ મીડિયા પર વાયરલ (Viral video) થયો છે. કદાચ દરેકના ઘરમાં આવો નજારો જોવા મળ્યો જ હશે, જે આ વાયરલ વીડિયોમાં દેખાય રહ્યો છે.
વાયરલ વીડિયોમાં એક ઘરના બેડરુમના દ્રશ્યો જોઈ શકાય છે. આ રાતના સમયનો વીડિયો છે. આ રુમમા એક માતા તેના બાળક સાથે બેડ પર સૂઈ રહી છે. માતા અને તેનું નાનું બાળક શાંતિથી ઉંઘ લઈ રહ્યા છે. તેવામાં નાના બાળકની ઉંઘ તૂટે છે. અને તે પોતાના સમય પસાર કરવા એવી હરકતો કરે છે કે જેના વિશે તમે વિચાર્યુ પણ નહીં હશે. તે પોતાના સૂતેલી માતાને હેરાન કરવાનું શરુ કરે છે. જેથી તે પણ તેની સાથે જાગે. કોઈવાર તે માતાના વાળ ખેંચે છે, કોઈવાર તે તેને ધક્કો મારે છે અને ક્યારેકે તેના માથા-શરીરના ભાગ પર બેસીને કૂદાકૂદ કરે છે. આ વીડિયો સોશિયલ મીડિયા પર ભારે વાયરલ થયો છે.
આ વીડિયો સોશિયલ મીડિયાના અલગ અલગ પ્લેટફોર્મ પર ભારે વાયરલ થઈ રહ્યો છે. સોશિયલ મીડિયા યુઝર્સ આ તોફાની બાળકનો વીડિયો ખુબ પસંદ પણ કરી રહ્યા છે. તેની હરકતો જોઈ લોકો હસી હસીને લોટપોટ થઈ ગયા છે. સોશિયલ મીડિયા યુઝર આ વીડિયોને શેર કરવાની સાથે સાથે તેના પર પોતાની પ્રતિક્રિયા પણ આપી રહ્યા છે એક યુઝરે લખ્યુ છે કે, આ આધુનિક સમયના બાળકો છે. બીજા એક યુઝરે લખ્યુ છે કે, આ સૂઈ પણ નહીં જાય અને સૂવા દેશે પણ નહીં. અન્ય એક યુઝરે લખ્યુ છે કે, મારા બાળકો પણ આવા જ છે, તેથી જ હું રાત્રે તેમનાથી દૂર રહુ છું.