લગ્નએ દરેકના જીવનનો એક ખાસ અવસર હોય છે. તેમાં બે વ્યક્તિઓની સાથે સાથે બે પરિવારોનું પણ જોડાણ થાય છે. ભારતમાં લગ્ન માટે અલગ ધર્મમાં અલગ અલગ પરંપરા હોય છે. ભારતમાં સોશિયલ મીડિયા પર લગ્નને લગતા વીડિયો વધારે વાયરલ થતા હોય છે. આ વીડિયો રમૂજી હોય છે કે પછી ડાન્સના હોય છે. પણ હાલમાં જે વીડિયો વાયરલ (Viral Video) થયો છે તે કઈક અલગ છે. આ લગ્નમાં એક કપલ એક વિચિત્ર કોન્ટ્રેક્ટ (Viral Marriage Contract) સાઈન કરે છે, આ કોન્ટ્રેક્ટમાં જે શરતો લખી છે તે વાંચીને તમે પણ ચોંકી જશો. આ કપલ અસમનું છે. તેમનું નામ શાંતિ અને મિન્ટુ છે. તેમણે લગ્નમાં એક કોન્ટ્રાક્ટ તૈયાર કર્યો અને સાઇન કર્યો છે. શરતોની લિસ્ટમાં એ લખવામાં આવ્યું છે કે તેમણે જીવનમાં શું કરવુ અને શું ન કરવુ.
વાયરલ વીડિયોમાં તમે જોઈ શકો છો કે આ વરરાજા અને દુલ્હન ખુબ જ સરસ રીતે તૈયાર થયા છે. લગ્નનો સરસ માહોલ જામ્યો છે. આ વીડિયો ક્યાનો છે એ જાણવા નથી મળ્યુ. આ વીડિયોમાં જોઈ શકાય છે કે તેમની આજુબાજુ તેમના સગાસંબંધીઓ પણ છે અને તેમના હાથમાં એક મોટો કોન્ટ્રાક્ટ છે. જેમાં લખેલી શર્તો ચોંકાવનારી અને રમૂજી છે. વેડલોક ફોટોગ્રાફી અસમ દ્વારા આ વીડિયો ઇન્સ્ટાગ્રામ પર શેર કરવામાં આવ્યો છે. કપલ મોટા કોન્ટ્રાક્ટ પર સાઈન કરી રહ્યુ છે. તે કપલ આ દરમિયાન ખુબ જ ખુશ છે.
કોન્ટ્રાક્ટ મુજબ કન્યાએ “રોજ સાડી પહેરવી પડશે.” યાદીમાં એવું પણ કહેવામાં આવ્યું હતું કે, “રવિવારનો સવારનો નાસ્તો તમે બનાવશો” જ્યારે અઠવાડિયાના અન્ય દિવસોમાં કોણ રાંધશે તેનો કોઈ ઉલ્લેખ નથી. યાદીમાં એવું પણ લખવામાં આવ્યું છે કે “ઘરના ભોજનને હંમેશા હા કહો,” એટલે કે ઘરનું ભોજન ખાઓ. કોન્ટ્રાક્ટની શરતોમાં દર મહિને માત્ર એક પિઝા ખાવા, દરરોજ જીમમાં જવાનું, દર 15 દિવસ પછી શોપિંગ અને દરેક પાર્ટીમાં સારા ફોટો ક્લિક કરવા વગેરેનો સમાવેશ થાય છે.