વિદેશી વહુ એ દેશી અંદાજમાં વાવી ડુંગળી, સાસૂ એ આપ્યા ગજબના રિએક્શન

દુનિયામાં સૌથી શુદ્ધ અને અમૂલ્ય કઈક હોય તો તે છે પ્રેમ. આ આખી દુનિયા પ્રેમ અને વિશ્વાસ પર તકેલી છે. પ્રેમને કોઈ સીમા નથી નડતી. આજે તો ભારતમાં વિદેશી છોકરીઓ પણ વહુ બનીને આવી રહી છે. હાલમાં સુરતના એક વિકલાંગ પુરુષના પ્રેમમાં પડીને ફિલિપાઈન્સની મહિલા ભારત આવી હતી અને તેની સાથે લગ્ન પણ કર્યા છે. હાલમાં આવી જ એક વિદેશી વહુનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો સોશિયલ મીડિયા પર ભારે વાયરલ થયો છે.

આ વાયરલ વીડિયોમાં એક ખેતરનો નજારો જોઈ શકાય છે. આ વીડિયોમાં દેશી ડ્રેસમાં એક વિદેશી મહિલા પણ જોવા મળી રહી છે. તે મહિલાના ની માંગમાં સિંદૂર છે અને તે ખેતરમાં ડુંગળી વાવી રહી છે. તે આરામથી ખેતરમાં આ કામ કરી હતી, ત્યારે જ તેનો પતિ તેની સાથે વાતચીત કરવા આવે છે. તે પૂછે છે, શું હું તમે કઈ પૂછી શકુ છું. તેનો જવાબ તે હિન્દીમાં આપતા કહે છે કે, હા જરુરથી. પતિ પૂછે છે કે, તુ ક્યાંથી છે ? પત્ની કહે છે કે, મેં જર્મનીથી છું. અને ખેતરમાં ડુંગળી વાવી રહી છું. પતિ એ મજાકમાં કહ્યુ કે, તુ જર્મનીથી સાત સમંદર પાર ભારત ડુંગળી વાવ્વા આવી છે. પત્ની કહે છે કે, હા. તે દરમિયાન વિદેશી વહુને આ કામ કરતા જોઈ સાસુ પણ હસતી જોવા મળે છે.

આ રહ્યો એ વાયરલ વીડિયો

આ મજેદાર વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર namastejuli નામના એકાઉન્ટ પરથી શેયર કરવામાં આવ્યો છે. આ વીડિયોને 1.9 કરોડ કરતા વધારે વ્યૂઝ મળ્યા છે. સોશિયલ મીડિયા યુઝર્સ આ વીડિયોને ખુબ પસંદ કરી રહ્યા છે. સોશિયલ મીડિયા યુઝર્સ આ વીડિયોને શેયર કરવાની સાથે સાથે તેના પર પોતાની પ્રતિક્રિયા પણ આપી રહ્યા છે. એક યુઝરે પ્રતિક્રિયા આપતા લખ્યુ છે કે, હું પણ આવી જ પત્ની લાવીશ. બીજા એક યુઝરે લખ્યુ છે કે, મેરા દેશ બદલ રહા છે. અન્ય એક યુઝરે લખ્યુ છે કે, ખરેખર તો આ જ દેશનો વિકાસ છે.