માન્યમાં નહીં આવે પણ સાચુ છે, એક જ વાસણમાં એક સાથે બનાવ્યા મેગી, ભજીયા અને ચા, જુઓ Video

સોશિયલ મીડિયા પર અવારનવાર એવા વીડિયો વાયરલ થતા રહે છે, જેમાં લોકો પોતાના અનોખા અને અણધાર્યા જુગાડથી સૌને ચોંકાવી દે છે. ભારતીય ઘરોમાં રસોડાની અંદર કરાતા દેશી પ્રયોગોની વાત જ કંઈક અલગ હોય છે. તાજેતરમાં ઇન્ટરનેટ પર એક એવો જ વીડિયો ઝડપથી વાયરલ થઈ રહ્યો છે, જેમાં એક મહિલાએ પોતાના તેજ મગજ અને ઘરગથ્થુ જુગાડથી એવો કારનામો કરી બતાવ્યો કે જોનારા પણ માથું ખંજવાળતા રહી ગયા. સૌથી ખાસ વાત એ રહી કે તેણે અલગ-અલગ વાસણો બગાડવાને બદલે માત્ર એક જ કઢાઈનો ઉપયોગ કરીને ત્રણ અલગ-અલગ વાનગીઓ એકસાથે તૈયાર કરી દીધી. આવો જાણીએ સોશિયલ મીડિયા પર ધૂમ મચાવનારા આ વાયરલ જુગાડ વિશે:

લોટની મદદથી કઢાઈમાં બનાવ્યા ત્રણ ખાના

વાયરલ વીડિયોમાં જોઈ શકાય છે કે મહિલાએ સૌથી પહેલાં બાંધેલા લોટની મદદથી કઢાઈની અંદર ત્રણ સરખા ભાગ પાડી દીધા. તેણે લોટને કઢાઈની વચ્ચે એવી રીતે ગોઠવ્યો કે અંદર અલગ-અલગ ત્રણ ખાના (પાર્ટિશન) તૈયાર થઈ ગયા. સામાન્ય રીતે લોકો ચા, મેગી કે ભજીયાં બનાવવા માટે અલગ-અલગ વાસણો અને ગેસના અલગ બર્નરનો ઉપયોગ કરે છે, પરંતુ આ મહિલાએ એક જ વાસણમાં બધું જ સેટ કરી દીધું.

ચા ઉકળી, મેગી બફાઈ અને ભજીયાં પણ તળાયા!

કઢાઈના ભાગ પાડ્યા બાદ મહિલાએ પહેલા ખાનામાં ચા બનાવવાનું શરૂ કર્યું. બીજા ખાનામાં તેણે પાણી ઉમેરીને મેગી નાખી દીધી, જ્યારે ત્રીજા ખાનામાં તે ગરમાગરમ ભજીયાં તળવા લાગી. સૌથી રસપ્રદ અને આશ્ચર્યજનક બાબત એ હતી કે ત્રણેય વસ્તુઓ એક જ સમયે એક જ કઢાઈમાં પાકી રહી હતી અને લોટની મજબૂત દીવાલના કારણે કોઈ પણ વસ્તુનો સ્વાદ કે સામગ્રી બીજી વસ્તુમાં ભળતી નહોતી. ગણતરીની મિનિટોમાં જ ચા ઉકળી ગઈ, મેગી પણ બની ગઈ અને કુરકુરા ભજીયાં પણ તળાઈને બહાર આવી ગયા.

ઇન્સ્ટાગ્રામ પર વીડિયોને મળ્યા લાખો વ્યુઝ

સોશિયલ મીડિયા પ્લેટફોર્મ ઇન્સ્ટાગ્રામ પર આ વીડિયોને foodcravingspoint નામના એકાઉન્ટ પરથી શેર કરવામાં આવ્યો છે. આ વીડિયોને અત્યાર સુધીમાં લાખો લોકો જોઈ ચૂક્યા છે અને હજારો લોકોએ તેને લાઈક કર્યો છે. વીડિયોના કમેન્ટ સેક્શનમાં યુઝર્સોએ મહિલાની ક્રિએટિવ વિચારસરણીના જોરદાર વખાણ કર્યા છે. કેટલીક મહિલાઓએ કમેન્ટમાં લખ્યું કે ગેસ અને સમય બચાવવાનો આનાથી શ્રેષ્ઠ આઈડિયા બીજો કોઈ હોઈ ન શકે. તો વળી કેટલાક યુઝર્સે રમુજી અંદાજમાં લખ્યું કે વાસણો ઘસવાની મહેનતમાંથી બચવા માટેનો આ સુપરહિટ ફોર્મ્યુલા છે. ગમે તે હોય, પણ આ મહિલાની રાંધવાની અનોખી શૈલીએ ઇન્ટરનેટ પર ભારે ઉત્સુકતા જગાડી છે.

View this post on Instagram

A post shared by Food Cravings Point (@foodcravingspoint)

પેનડ્રાઇવ માત્ર ફોટો-વીડિયો સાચવવા માટે નથી ! કોમ્પ્યુટરના લોકથી લઈને સ્માર્ટ ટીવીના સ્ટોરેજ સુધીના આ 5 પાવરફુલ ઉપયોગ જાણી લો