Shocking Video : ગરીબ અને શ્રીમંત વચ્ચે ઉંડી ખાઈ, પેટ્રોલ ભરાવીને મર્સિડીઝના માલિકે પૈસા ફેંક્યા, રડવા લાગી મહિલા સ્ટાફ, જુઓ Viral Video

સોશિયલ મીડિયાનું પોતાનું એક આકર્ષણ છે. અહીં શું વાયરલ થઈ જાય તેની ખબર રહેતી નથી. કારણ કે આ દુનિયા ખૂબ જ અનોખી અને અલગ છે. ફાસ્ટ સ્ક્રોલ કરતી વખતે અચાનક નજર કોઈ પોસ્ટ પર અટકી જાય છે અને પછી લાઈક અને શેર કરવાનો સિલસિલો આગળ વધે છે. અહીં પણ ફની અને ક્યારેક આશ્ચર્યજનક વીડિયો વાયરલ થતા રહે છે પરંતુ ઘણી વખત આવા વીડિયો આપણી નજર સામે આવે છે, જેના પર માણસ વિશ્વાસ કરવા માંગે તો પણ નથી કરી શકતો. આવો જ એક વીડિયો હાલમાં સામે આવ્યો છે.

આ પણ વાંચો : Viral Video : વંદે ભારતમાં ખોરાક ન ખાવાની સલાહ ! પ્રવાસીએ બતાવી ભોજનની ગુણવત્તા, તમે પણ જોઈ શકો છો Shocking Video

બાળકોને સારી રીતભાત અને સંસ્કાર આપવા એ માતા-પિતાની પ્રથમ જવાબદારી છે. જેના કારણે તેમની અંદર નમ્રતાની ભાવના જન્મે છે અને નમ્રતા એ જીવનની સૌથી મોટી મૂડી હોવાનું કહેવાય છે અને તેની મદદથી તેઓ જીવનમાં આગળ વધે છે. જો કે આજકાલ મોટાભાગના બાળકો સંસ્કારહિન બની રહ્યા છે. આજના સમયમાં તે એક મોટી સમસ્યા બનીને ઉભરી આવી છે. આ ઉદાહરણ સાથે જોડાયેલો એક વીડિયો આ દિવસોમાં ઈન્ટરનેટ પર ઝડપથી વાયરલ થઈ રહ્યો છે. જેને જોયા પછી તમે પણ સમજી શકશો કે જો કોઈ વ્યક્તિ પાસે થોડાં પૈસા હોય તો તે પચાવી નથી શકતા.

અહીં, વીડિયો જુઓ

વાયરલ થઈ રહેલા વીડિયોમાં તમે જોઈ શકો છો કે એક વ્યક્તિ પોતાની બ્લેક મર્સિડીઝમાં પેટ્રોલ ભરાવી રહ્યો છે. કારને જોઈને મહિલા તેમાં પેટ્રોલ ભરવાનું શરૂ કરે છે અને જ્યારે કારમાં પેટ્રોલ ભરાઈ જાય છે ત્યારે મહિલા ડ્રાઈવરને પૈસા આપવાનું કહે છે. ખબર નહી કે આના પર વ્યક્તિને શું થાય છે… તેને પૈસા આપવાને બદલે, તે નોટો જમીન પર ફેંકી દે છે અને ત્યાંથી નીકળી જાય છે. કાર નીકળી ગયા પછી મહિલા તે પડી ગયેલી નોટોને જમીન પરથી ઉપાડે છે અને તે પુરુષના આ કૃત્યથી અપમાનિત થઈ રહી છે. વીડિયોના અંતમાં તે પોતાના આંસુ લૂછતી જોઈ શકાય છે.

વ્યક્તિની તમામ ક્રિયાઓ ત્યાં લગાવેલા સીસીટીવી કેમેરામાં કેદ થઈ જાય છે. આ વીડિયોને ટ્વિટર પર @TheFigen_ નામના એકાઉન્ટ દ્વારા શેર કરવામાં આવ્યો છે. આ સમાચાર લખાય છે ત્યાં સુધી, આ ક્લિપને 3.64 લાખથી વધુ વ્યૂઝ મળી ચૂક્યા છે અને કોમેન્ટ કરીને કારના ડ્રાઈવરને સાચું-ખોટું સંભળાવી રહ્યા છે.