Viral Video: નોટ પર આવી રીતે બદલાઈ Queen Elizabeth 2 ની તસવીરો, વીડિયો થયો વાયરલ

Queen Elizabeth 2 ભલે બ્રિટનની (Britain) મહારાણી રહી હોય, પરંતુ તેમની લોકપ્રિયતા આખી દુનિયામાં એટલી જ હતી, જાણે તે આખી દુનિયાની રાણી હોય. એટલા માટે તેમના નિધનથી બ્રિટનથી લઈને લગભગ તમામ દેશોમાં શોકની લહેર છવાઈ ગઈ હતી. બ્રિટિશ સામ્રાજ્ય પર 70 વર્ષ સુધી શાસન કરનાર રાણી એલિઝાબેથ દ્વિતીયનું ગુરુવારે અવસાન થયું. તેમણે સ્કોટલેન્ડમાં (Scotland) તેમના મહેલમાં અંતિમ શ્વાસ લીધા. વડાપ્રધાન નરેન્દ્ર મોદીએ પણ ગુરુવારે તેમને શ્રદ્ધાંજલિ આપી હતી. આ સિવાય ઓડિશાના પ્રખ્યાત રેત કલાકાર માનસ કુમાર સાહુએ પણ રાણીને પોતાના ખાસ અંદાજમાં વિદાય આપી છે. તેણે રેતી પર રાણી એલિઝાબેથ દ્વિતીયનો ચહેરો કોતરીને પોતાની રીતે શ્રદ્ધાંજલિ આપી છે.

ક્વીન એલિઝાબેથ દ્વિતીય સાથે સંબંધિત એક વીડિયો સોશિયલ મીડિયા પર ખૂબ વાયરલ થઈ રહ્યો છે, જેમાં તેમની યુવાનીથી લઈને વૃદ્ધાવસ્થા સુધીની તસવીરો સજાવવામાં આવી છે. વાસ્તવમાં આ તસવીરો બેંક નોટની છે, જેના પર તેમની ઉંમર પ્રમાણે તસવીરો બદલાતી રહે છે. વીડિયોમાં તમે જોઈ શકો છો કે નોટ પર કેવી રીતે રાણીની તસવીરો બદલવામાં આવી રહી છે. વીડિયોમાં તેની ઘણી તસવીરો જોઈ શકો છે, જે ભાગ્યે જ જોવા મળશે. બનાવનારે આ વીડિયો ખૂબ જ સુંદર રીતે બનાવ્યો છે, જેને જોયા પછી કોઈપણ મંત્રમુગ્ધ થઈ જશે. આ પણ એક મહાન શ્રદ્ધાંજલિ ગણી શકાય.

જુઓ આ વીડિયો કેટલો સુંદર બનાવ્યો છે

આ શાનદાર વીડિયોને સોશિયલ મીડિયા પ્લેટફોર્મ ટ્વિટર પર @UniverCurious નામની ID સાથે શેર કરવામાં આવ્યો છે. માત્ર 20 સેકન્ડના આ વીડિયોને અત્યાર સુધીમાં 6 લાખ 18 હજારથી વધુ વખત જોવામાં આવ્યો છે, જ્યારે 14 હજારથી વધુ લોકોએ આ વીડિયોને લાઈક પણ કર્યો છે. તે જ સમયે, લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. લોકો તેને ભવ્ય અને સુંદર કહે છે.

તમને જાણીને નવાઈ લાગશે કે, એલિઝાબેથ દ્વિતીય માત્ર બ્રિટન જ નહીં, પરંતુ આ સિવાય તે અન્ય 14 દેશોની રાણી હતી, જેમાં કેનેડા, ઓસ્ટ્રેલિયા, ન્યુઝીલેન્ડ, જમૈકા, બહામાસ, તુવાલુ વગેરેનો સમાવેશ થાય છે. જો કે તેણીનો સીધો સંબંધ ફક્ત યુકે સાથે હતો, જ્યાં સમગ્ર શાહી પરિવાર રહે છે.