શિક્ષકે બાળકોને હિન્દી મૂળાક્ષરો કંઈક એવી રીતે શીખવ્યા, લોકોએ કહ્યું – આને કહેવાય ઈનોવેટીવ ટીચર

નાના બાળકોને ભણાવવું એ સરળ કાર્ય નથી. માતાપિતાથી લઈને શાળાના શિક્ષકો, તેઓ તેમને શીખવવા માટે કોઈને કોઈ અનોખી રીત શોધતા રહે છે. હાલમાં સોશિયલ મીડિયા પર એક શિક્ષકનો એક વીડિયો ઝડપથી વાયરલ થઈ રહ્યો છે, જેમાં તેની ભણાવવાની સ્ટાઈલ ખૂબ જ અલગ અને ખાસ છે. વાયરલ ક્લિપમાં જોઈ શકાય છે કે શિક્ષકે બાળકોને હિન્દી મૂળાક્ષરો શીખવવાની એવી અનોખી રીતની શોધ કરી છે, જેને જોઈને લોકો કહી રહ્યા છે – ‘શીખવવાની કેવી અદ્ભુત રીત છે, સરસ ગુરુજી.’

કહેવાય છે કે વિદ્યાર્થીના ભવિષ્યને ઉજ્જવળ બનાવવામાં એક સારા શિક્ષક મહત્વનો ભાગ ભજવે છે. કારણ કે તેઓ વિદ્યાર્થીઓને સખત મહેનત અને સમર્પણ માટે પ્રેરિત કરતા રહે છે. વાયરલ થઈ રહેલી ક્લિપમાં પણ કંઈક આવું જ જોવા મળી રહ્યું છે. જ્યારે બાળકોને હિન્દી મૂળાક્ષરો યાદ રાખવાનું મુશ્કેલ લાગ્યું, ત્યારે શિક્ષકએ માત્ર મૂળાક્ષરો સરળતાથી શીખવાનો જ નહીં, પણ તેમના અભ્યાસનો આનંદ લેવાનો માર્ગ શોધી કાઢ્યો.

વીડિયોમાં જોઈ શકાય છે કે કેવી રીતે શિક્ષક બાળકોને ખૂબ જ મજેદાર રીતે હિન્દી મૂળાક્ષરો શીખવી રહ્યા છે. વીડિયોમાં જોઈ શકાય છે કે શિક્ષક દરેક અક્ષર શીખવવા માટે એક સ્પેશિયલ લાઈન ગાતા જોવા મળે છે, જેને બાળકો પણ રિપીટ કરી રહ્યા છે. શિક્ષકની આ શિખામણની શૈલી જોઈને તમે પણ તેમના ફેન બની જશો.

@Ankitydv92 નામના હેન્ડલ સાથે ટ્વિટર પર શેર કરવામાં આવેલા આ વીડિયોને લોકો માણી રહ્યાં છે. યુઝર અંકિત યાદવે, જેણે વીડિયો શેર કર્યો, તેણે લખ્યું, “સારા ગુરુજી… શીખવવાની કેટલી સરસ રીત છે. માત્ર 45 સેકન્ડની આ ક્લિપ ટ્વિટર પર ભારે ખળભળાટ મચાવી રહી છે. સમાચાર લખાય છે ત્યાં સુધી આ વીડિયોને 4.2 લાખથી વધુ વખત જોવામાં આવ્યો છે, જ્યારે 21 હજારથી વધુ લોકોએ તેને લાઈક કર્યો છે. આ સંખ્યા ઝડપથી વધી રહી છે. વીડિયો જોયા પછી, ઘણા લોકોએ રમૂજી રીતે પ્રતિક્રિયા આપી છે.

નેટીઝન્સ શિક્ષકની શિક્ષણ પદ્ધતિની પ્રશંસા કરી રહ્યા છે. એક યુઝરે કોમેન્ટ કરતા લખ્યું છે, આને ઈનોવેટીવ ટીચર કહેવાય છે. ત્યારે અન્ય એક યુઝરે કોમેન્ટ કરી અને લખ્યું, વાહ ગુરુજી! આ રીતે, બાળકો હિન્દી મૂળાક્ષરોને ક્યારેય ભૂલી શકશે નહીં. અન્ય યુઝરે લખ્યું, વાહ! બાળકોને શીખવવાની કેટલી સરસ રીત છે.