1996ના જૂના બોલિવૂડ ગીત પર ‘Lady Govinda’નો વાયરલ ડાન્સ, એક્સપ્રેશન અને મૂવ્સ જોઈ લોકો થયા ફિદા ! જુઓ Video

સોશિયલ મીડિયા પર દરરોજ અનેક પ્રકારના વીડિયો વાયરલ થતા હોય છે. તેમાં ડાન્સ વીડિયોનું ખાસ આકર્ષણ જોવા મળે છે. હાલમાં ડાન્સર શુચિ વ્યાસનો એક વીડિયો સોશિયલ મીડિયા પર ચર્ચાનો વિષય બન્યો છે. તેના ડાન્સની અલગ સ્ટાઇલ, એક્સપ્રેશન અને આત્મવિશ્વાસભર્યા પરફોર્મન્સને લોકો ખૂબ પસંદ કરી રહ્યા છે.

શુચિ વ્યાસનો એક ડાન્સ વીડિયો હાલમાં યુટ્યુબ સહિત સોશિયલ મીડિયા પ્લેટફોર્મ પર ઝડપથી વાયરલ થઈ રહ્યો છે. આ વીડિયોમાં તે વર્ષ 1996માં આવેલી બોલિવૂડ ફિલ્મ ‘તું ચોર મેં સિપાહી’ (Tu Chor Main Sipahi) ના લોકપ્રિય ગીત ‘રસ્તા કિસીને ના રોકા’ પર ડાન્સ કરતી જોવા મળી છે.

વર્ષો જૂનું ગીત ફરી એકવાર ચર્ચામાં

આ ગીતને ગાયિકા અલીશા ચિનોય (Alisha Chinai) અને ગાયક કુમાર શાનુ (Kumar Sanu) એ પોતાના અવાજથી લોકપ્રિય બનાવ્યું હતું. જ્યારે તેનું સંગીત દિલીપ સેન-સમિર સેન દ્વારા તૈયાર કરવામાં આવ્યું હતું. વર્ષો જૂનું આ ગીત ફરી એકવાર સોશિયલ મીડિયા પર ચર્ચામાં આવ્યું છે અને તેનું કારણ છે શુચિ વ્યાસનું ખાસ ડાન્સ પરફોર્મન્સ.

જૂના બોલિવૂડ ગીતો સોશિયલ મીડિયા પર લોકપ્રિય બની રહ્યા છે

વીડિયોમાં શુચિ ગીતની ધૂન પ્રમાણે પોતાના ડાન્સ મૂવ્સ રજૂ કરતી જોવા મળે છે. તેના ચહેરાના હાવભાવ, એનર્જી અને ગીત સાથે તાલમેલ બેસાડવાની રીત લોકોને ખૂબ પસંદ આવી રહી છે. સોશિયલ મીડિયા યુઝર્સ તેના પરફોર્મન્સની પ્રશંસા કરી રહ્યા છે અને ઘણા લોકો વીડિયો પર સકારાત્મક કોમેન્ટ્સ કરી રહ્યા છે. જૂના બોલિવૂડ ગીતો પર નવા અંદાજમાં કરવામાં આવતા ડાન્સ વીડિયો આજકાલ સોશિયલ મીડિયા પર ખૂબ લોકપ્રિય બની રહ્યા છે. આવા વીડિયો દ્વારા જૂના ગીતો ફરી નવી પેઢી સુધી પહોંચી રહ્યા છે. શુચિ વ્યાસે પણ પોતાની કળા અને અલગ રજૂઆતથી લોકોનું ધ્યાન ખેંચ્યું છે.

દર્શકો તરફથી મળે છે સારો પ્રતિસાદ

શુચિ વ્યાસ સોશિયલ મીડિયા પર સતત સક્રિય રહે છે. તે ઇન્સ્ટાગ્રામ અને યુટ્યુબ પર પોતાના ડાન્સ વીડિયો શેર કરતી રહે છે. ખાસ કરીને હિન્દી ફિલ્મોના ગીતો પર તેના પરફોર્મન્સને દર્શકો તરફથી સારો પ્રતિસાદ મળે છે. આ વીડિયો એ વાતનું ઉદાહરણ છે કે આજના ડિજિટલ યુગમાં ટેલેન્ટ બતાવવા માટે સોશિયલ મીડિયા એક મોટું માધ્યમ બની ગયું છે. જો વ્યક્તિમાં મહેનત અને પોતાની અલગ ઓળખ બનાવવાની ક્ષમતા હોય તો તે ઓછા સમયમાં મોટી સંખ્યામાં લોકો સુધી પહોંચી શકે છે. શુચિ વ્યાસનો વાયરલ ડાન્સ વીડિયો પણ આ જ વાત સાબિત કરી રહ્યો છે.

આ પણ વાંચો, ડાન્સિંગની દુનિયામાં છવાઈ ‘Lady Govinda’, જબરદસ્ત એક્સપ્રેશન અને સ્ટાઇલથી જીત્યું લોકોનું દિલ ! જુઓ Video