યુવતીએ શાહમૃગની કરી સવારી, પછી પક્ષી એવુ તો ભાગ્યુ કે છોકરી ગભરાઈ ગઈ જુઓ- Video

Ostrich Viral Video: કેટલાક પ્રાણીઓ એવા હોય છે કે તેની સવારી કરવામાં ઘણી મજા આવે છે. જેમા ઘોડા, હાથી અને ઉંટ સહિતના પ્રાણીઓ સામેલ છે. તમે પણ કદાચ આ પ્રાણીઓની સવારી કરી હશે અને જો ન કરી હોય તે તમારે એ અનુભવ જરૂર કરવો જોઈએ. જો કે ઉંટ અને હાથી સવારી માટે રાજસ્થાન સૌથી શ્રેષ્ઠ સ્થળ ગણાય છે. ત્યાં મોટી સંખ્યામાં ઉંટ જોવા મળે છે. આ ઉંટ જ ત્યાં કેટલાક લોકો માટે કમાણીનો સ્ત્રોત છે.

આ ઉપરાંત અનેક સ્થળોએ હાથીની સવારી પણ કરાવવામાં આવે છે. પરંતુ શું તમે ક્યારેય શાહમૃગની સવારી કરી છે. જી હાં, સોશિયલ મીડિયા પર આજકાલ એવો જ વીડિયો વાયરલ થઈ રહ્યો છે. જેને જોઈ લોકો આશ્ચર્યચકિત થઈ રહ્યા છે.

ખરેખર એક છોકરી બહુ ઉત્સાહ સાથે શાહમૃહગની સવારી કરતી નજરે પડે છે. જો કે તે થોડી થોડી ડરી પણ રહી છે કે ક્યાંક શાહમૃગ તેને નીચે ન પછાડી દે. વીડિયોમાં તમે જોઈ શકો છો કે કેવી રીતે એક શખ્સ યુવતીને શાહમૃગ પર બેસાડે છે. ત્યારબાદ શાહમૃગ તેને લઈને દોડે છે. જો કે થોડે દૂર પહોંચ્યા બાદ તે યુવતીને લઈને ફરી એ જ સ્થળે લઈને પાછુ આવે છે. જ્યાથી તેમણે દોડવાનુ શરૂ કર્યુ હતુ.

શાહમૃગની સવારી દરમિયાન યુવતી ઘણી એક્સાઈટેડ જોવા મળે છે. આ નજારો ક્યાનો છે તેની તો કોઈ વિગતો નથી. પરંતુ જોવામાં ઘણો મજેદાર છે. આપે પણ કદાચ સાંભળ્યુ હશે કે લોકો શાહમૃગની સવારી પણ કરે છે અને આજે તે સાક્ષાત જોવા પણ મળી ગઈ.

જુઓ શાહમૃગની સવારી કરતી યુવતીનો વીડિયો

આ મજેદાર વીડિોને સોશિયલ મીડિયા પ્લેટફોર્મ ઈન્સ્ટાગ્રામ પર pstore_makasarr નામની આઈડી પરથી શેર કરવામાં આવ્યો છે. જેને અત્યાર સુધીમાં 4.6 મિલિયન એટલે કે 46 લાખ વાર જોવાઈ ચુક્યો છે. જ્યારે 1 લાખ 60 હજારથી વધુ લોકોએ વીડિયોને લાઈક પણ કર્યો છે.

આ પણ વાંચો: Animal Funny Viral video : વાસ્તવિક જીવનમાં ‘ટોમ એન્ડ જેરી’ની કથા જોવા મળી, ઉંદરે બિલ્લી પર કર્યો વળતો પ્રહાર, જુઓ વાયરલ વીડિયો

તો લોકો આ વીડિયોને જોઈ અનેક પ્રકારની પ્રતિક્રિયા આપી રહ્યા છે. કોઈ કહી રહ્યુ છે કે “સવારી કરનારા જીવ નથી હોતા” તો કોઈ કહે છે કે “તેની સાથે રમત ન રમો”, આ તરફ એક યુઝરે ગુસ્સામાં લખ્યુ કે “માણસજાત જાનવરોનો જીવ લઈને જ માનશે, બિચારુ..” તો એક યુઝરે લખ્યુ છે કે “મારે પણ આના પર બેસવુ છે.”