Trending Video: શબ્દો વિના વ્યક્ત થઈ દેશભક્તિ… શાળાના બાળકોએ સાઈન લેંગ્વેજમાં ‘રાષ્ટ્રગીત’ રજૂ કરીને દિલ જીતી લીધાં
સોશિયલ મીડિયા પર શાળાના બાળકોનો એક એવો વીડિયો વાયરલ થઈ રહ્યો છે કે, જે દિલ જીતી રહ્યો છે. વીડિયોમાં બાળકો સાઈન લેંગ્વેજ એટલે કે સાંકેતિક ભાષામાં રાષ્ટ્રગીત પ્રસ્તુત કરતા નજરે પડે છે. અવાજ વગર પણ તેમના હાથના ઈશારા અને ચહેરાના ભાવમાં દેશ માટેનું અનોખું સન્માન તેમજ પ્રેમ સ્પષ્ટપણે જોઈ શકાય છે.
સોશિયલ મીડિયા પર એક એવો વીડિયો સામે આવ્યો છે કે, જેને જોઈને કદાચ જ કોઈ ભાવુક થયા વિના રહી શકે. વીડિયોમાં જોઈ શકાય છે કે, એક શાળાના બાળકો સાઈન લેંગ્વેજ એટલે કે સાંકેતિક ભાષા દ્વારા રાષ્ટ્રગીત પ્રસ્તુત કરતા નજરે પડી રહ્યા છે. બાળકોનો આ અંદાજ ખૂબ જ સુંદર અને દિલને સ્પર્શી જાય તેવો છે.
સાઈન લેંગ્વેજમાં દેખાઈ ‘દેશભક્તિ’
Viral Video માં જોઈ શકાય છે કે, બાળકો સંપૂર્ણ અનુશાસન અને સન્માન સાથે રાષ્ટ્રગીત દરમિયાન પોતાના હાથના ઈશારાથી દરેક શબ્દને વ્યક્ત કરતા દેખાય છે. તેમના ચહેરા પર દેશ પ્રત્યેનું સન્માન અને ગર્વ સ્પષ્ટ નજરે પડે છે. આ પ્રસ્તુતિમાં ભલે અવાજ સંભળાતો નથી પરંતુ બાળકોના ઈશારામાં દેશભક્તિની ભાવના સ્પષ્ટપણે અનુભવાય છે.
વીડિયોએ લોકોના દિલ જીતી લીધા
આ પરથી બાળકોએ એ સાબિત કરી દીધું કે, ભાવનાઓને વ્યક્ત કરવા માટે હંમેશા શબ્દો કે અવાજની જરૂર નથી હોતી. દિલમાં દેશ માટે સન્માન હોય તો તેને અલગ-અલગ રીતે અનુભવી અને વ્યક્ત કરી શકાય છે. સાઈન લેંગ્વેજ દ્વારા રાષ્ટ્રગીત પ્રસ્તુત કરતા આ બાળકોને જોઈને લોકો તેમના વખાણ કરી રહ્યા છે.
Students of Samarthanam Trust School beautifully performing National Anthem in sign language. My heart and eyes are so full ❤️ pic.twitter.com/64mhxEAG4A
— Alpakanya (@Alpakanya) August 8, 2026
આ વીડિયોને સોશિયલ સાઈટ X પર @Alpakanya નામના એકાઉન્ટ પરથી શેર કરવામાં આવ્યો છે, જેને અત્યાર સુધીમાં હજારો લોકો જોઈ ચૂક્યા છે અને લાઈક કરી ચૂક્યા છે. વીડિયો પર મોટી સંખ્યામાં લોકોએ કોમેન્ટ્સ પણ કરી છે.
સોશિયલ મીડિયા પર વીડિયો જોનારા ઘણા લોકો કહી રહ્યા છે કે, આ માત્ર એક પ્રસ્તુતિ નથી પરંતુ દેશભક્તિ અને હિંમતનું સુંદર ઉદાહરણ છે. વીડિયો જોઈને ઘણા લોકોનું કહેવું છે કે, બાળકોએ કાંઈ પણ બોલ્યા વગર ઘણું બધું કહી દીધું. તેમના હાથના નાના-નાના ઈશારામાં રાષ્ટ્ર પ્રત્યેનું સન્માન, ગર્વ અને પ્રેમ નજરે પડ્યો.
