Dog Video : સસલાની નકલ કરવી નાનકડા ગલુડિયાને ભારે પડ્યું, ક્યૂટ નોક-ઝોકનો Video સોશિયલ મીડિયામાં છવાયો

સોશિયલ મીડિયા (Social Media) પર ઘણી ફની વાતો વાયરલ થતી રહે છે. ખાસ કરીને જાનવરોને લગતા વીડિયો જે આવતાની સાથે જ વાયરલ થઈ જાય છે અને લોકોને ખૂબ પસંદ આવે છે. જ્યારે આ વીડિયો આપણને ક્યારેક હસાવતા હોય છે, તો ક્યારેક આ વીડિયો ખૂબ જ સુંદર હોય છે. એટલું જ નહીં, આ વીડિયોની અંદર ઘણી વખત પ્રેરક સંદેશ છુપાયેલો હોય છે. આ દિવસોમાં પણ આવો જ એક વીડિયો ઈન્ટરનેટ પર આવ્યો છે. જ્યાં એક નાનું પપ્પી સસલાની નકલ કરે છે પરંતુ પાછળથી કંઈક આવું થાય છે. જેના કારણે પપ્પીની હાલત ખરાબ થઈ જાય છે.

તમે આજ સુધી ઘણા લોકોને એકબીજાની નકલ કરતા જોયા હશે, પરંતુ શું તમે ક્યારેય જોયું છે કે કોઈ પ્રાણી કોઈની નકલ કરતું હોય, જો નહીં, તો આ દિવસોમાં આવો એક વીડિયો સામે આવ્યો છે. જેમાં એક ગલુડિયું સસલાને કૂદતા જોઈને તેની નકલ કરવા લાગે છે, પરંતુ પછી સસલું એવી રીતે કૂદી પડે છે કે, ગલુડિયાની હાલત ખરાબ થઈ જાય છે અને સમજે છે કે તેની નકલ કરવી ખૂબ મુશ્કેલ છે.

અહીં વીડિયો જુઓ……

વીડિયોમાં તમે જોઈ શકો છો કે કૂતરો અને સસલું ઘરની છત પર ખુશીથી રમી રહ્યાં છે. આ દરમિયાન, કૂતરો સસલાની પાસે જાય છે, એટલે કે જ્યારે સસલું કૂદીને આગળ વધે છે. તેને જોઈને ગલુડિયો પણ તેની જેમ કૂદી પડે છે, પણ સસલું તો સસલું છે, આમાં તેને શાંતિ ક્યાં મળવાની હતી. કૂતરાને આમ કરતાં જોઈને તેને ઊંચો કૂદકો માર્યો, જેને કૂતરો જોતો જ રહ્યો, એટલું જ નહીં તેણે ડરીને પીછેહઠ કરી.

આ ફની વીડિયોને ટ્વિટર પર Buitengebieden નામના એકાઉન્ટ દ્વારા શેર કરવામાં આવ્યો છે. જેની સાથે તેણે ફની કેપ્શન લખ્યું છે. આ વીડિયો જોયા બાદ એક યુઝરે લખ્યું, ‘આ વીડિયોમાંથી અમે શીખીએ છીએ કે આપણે ક્યારેય કોઈની કોપી ન કરવી જોઈએ.’ જ્યારે અન્ય એક યુઝરે લખ્યું, ‘તેઓ ખરેખર માણસોની જેમ એકબીજાની કોપી કરી રહ્યા છે..’ અન્ય યુઝરે લખ્યું, “આ એકદમ માણસની જેમ લડી રહ્યા છે.”