બટાકાથી થઈ રહ્યો છે મોબાઈલ ચાર્જ, શું છે આ Viral Videoનું સત્ય

કેટલીકવાર સોશિયલ મીડિયા પર એવી ટ્રિક્સ વાયરલ થાય છે જેના પર વિશ્વાસ કરવો મુશ્કેલ હોય છે. શું તમે કલ્પના કરી શકો છો કે બટાકાનો ઉપયોગ કરીને મોબાઇલ ફોન ચાર્જ કરવામાં આવી રહ્યો છે? ના, ખરું ને? પરંતુ આજકાલ સોશિયલ મીડિયા પર એક એવો જ વીડિયો વાયરલ થઈ રહ્યો છે, જે દરેકને વિચારવા માટે મજબૂર કરી રહ્યો છે. હકીકતમાં આ વીડિયોમાં બે બટાકાનો ઉપયોગ કરીને મોબાઇલ ફોન ચાર્જ કરવામાં આવતો જોવા મળે છે. જ્યારે કેટલાક લોકોએ આ ટ્રિક્સ પર વિશ્વાસ કર્યો છે, ત્યારે મોટાભાગના લોકો ખાતરી નથી કે તે શક્ય છે કે નહીં. ચાલો આ વાયરલ video પાછળનું સત્ય શોધી કાઢીએ.

મોબાઇલ ફોન કેવી રીતે ચાર્જ કરી શકાય?

વીડિયોમાં તમે બે બટાકાની વચ્ચે 10 રૂપિયાનો સિક્કો મૂકતા જોઈ શકો છો અને પછી એક માણસે એક બટાકામાં ચાર્જર લગાવ્યું. પછી તેણે ચાર્જિંગ પિનને મોબાઇલ ફોનમાં લગાવી, જે ચાર્જ થવા લાગ્યો. ત્યારબાદ બીજા છોકરાએ પણ એ જ ટ્રિક્સ અપનાવી છે. બટાકાનો ઉપયોગ કરીને મોબાઇલ ફોન કેવી રીતે ચાર્જ કરી શકાય તે દર્શાવ્યું. જો કે, સોશિયલ મીડિયા યુઝર્સ દ્વારા પૂછપરછ કરવામાં આવ્યા પછી, ગ્રોકે (Grok) વાયરલ વીડિયો પાછળની સત્યતા સ્પષ્ટ કરી છે.

શું આ શક્ય છે?

આ વીડિયો સોશિયલ મીડિયા પ્લેટફોર્મ ટ્વિટર પર @VijayKushw60161 નામના એકાઉન્ટ દ્વારા શેર કરવામાં આવ્યો હતો, જેમાં કેપ્શન હતું, “આવા વીડિયો વાયરલ થઈ રહ્યા છે. શું આ શક્ય છે?.” આ 19 સેકન્ડનો વીડિયો 150,000 થી વધુ વખત જોવામાં આવ્યો છે, સેંકડો લોકોએ તેને લાઈક કર્યો છે અને વિવિધ પ્રતિક્રિયાઓ આપી છે.

વાયરલ વીડિયો ઘણીવાર નકલી હોય છે

વીડિયો જોયા પછી, કોઈએ કહ્યું, “આ સંપૂર્ણપણે નકલી છે.” બીજાએ કહ્યું, “એકવાર, સફરજન વિશેનો આવો જ વીડિયો જોયા પછી, મેં સફરજનમાં ચાર્જર પિન દાખલ કરી. ચાર્જર પોતે જ તૂટી ગયું અને મારે એક નવું લેવું પડ્યું.” બીજા યુઝરે લખ્યું, “આ ફક્ત રીલમાં જ થાય છે, વાસ્તવિક જીવનમાં નહીં.” કેટલાક યુઝર્સ દ્વારા પૂછવામાં આવતા, ગ્રોકે સમજાવ્યું, “આ શક્ય નથી.” બટાકાની બેટરી પ્રતિ સેલ માત્ર 0.5-1V ઉત્પન્ન કરે છે અને ખૂબ જ ઓછો કરંટ (0.2-0.5mA) ખેંચે છે, જે ફોન ચાર્જ કરવા માટે જરૂરી 5V અને એમ્પીયર કરતા ઘણો ઓછો છે. આવા વાયરલ વીડિયો ઘણીવાર નકલી હોય છે અથવા જોવા માટે એડિટ કરવામાં આવે છે.

વીડિયો અહીં જુઓ…..