Dog Video: રસ્તા પર કૂતરો નાના વંટોળ સાથે રમતા જોવા મળ્યો, લોકોએ કહ્યું ‘શહેરને વિનાશથી બચાવ્યું’

તમે વંટોળ (Tornado) જોયો જ હશે. ક્યારેક વંટોળ ખૂબ નાના હોય છે. જે કોઈને નુકસાન પહોંચાડતા નથી. જો તમે તેમની વચ્ચે જઈને ઊભા રહેશો તો પણ તમને બહુ ફરક નહીં લાગે, જ્યારે કેટલાક વંટોળ ખૂબ મોટા અને વિનાશક હોય છે. આવા વિનાશક વંટોળ અમેરિકામાં વારંવાર આવે છે. ગયા વર્ષે જ અમેરિકાના ઘણા પ્રાંતોમાં વાવાઝોડાએ ભારે વિનાશ સર્જ્યો હતો. ઘણા મકાનો તૂટી ગયા હતા તો સેંકડો લોકોના જીવ પણ ગયા હતા. ગયા મહિને અમેરિકામાં આવેલા વંટોળનો એક હ્રદયસ્પર્શી વીડિયો સોશિયલ મીડિયા પર વાયરલ થયો હતો અને હવે રસ્તા પર એક નાનકડા વંટોળનો વીડિયો વાયરલ (Viral Video) થઈ રહ્યો છે, જે ખૂબ જ ફની છે. કારણ કે એક કૂતરો આ વંટોળ સાથે રમવાની મજા લેતો જોવા મળે છે.

જૂઓ આ વંટોળ અને કૂતરાનો રમૂજી વીડિયો..

વીડિયોમાં તમે જોઈ શકો છો કે રસ્તા પર અચાનક એક નાનો વંટોળ આવે છે કે ત્યારે જ ત્યાં દોડતો એક કૂતરો ત્યાં પહોંચે છે અને તે વંટોળને મોંથી પકડવાનો પ્રયાસ કરવા લાગે છે. વાસ્તવમાં, તેને લાગે છે કે તેની સાથે રમવાની વસ્તુ છે. વંટોળનો સામનો કરતાની સાથે જ વંટોળ ખસી જાય છે અને બીજી જગ્યાએ જતો રહે છે, પરંતુ કૂતરો પણ તેનો પીછો છોડતો નથી. વંટોળ જ્યાં જાય છે ત્યાં પહોંચે છે અને કૂદીને એમાં મોં નાખે છે. વંટોળ શું છે તે પણ તેને ખબર નથી. જો ત્યાં વાવાઝોડું આવ્યું હોત તો તેણે કૂતરાને પણ ત્યાં ફેંકી દીધો હોત અને તે ફરીથી તેની નજીક જવાની હિંમત પણ ન કરત. ભલે ગમે તે હોય, પરંતુ આ નજારો ખૂબ જ રમુજી છે, જેને જોઈને તમે હસવા લાગશો.

આ ફની વીડિયો (Funny Video) સોશિયલ મીડિયા પ્લેટફોર્મ ટ્વિટર પર જેસ નામની આઈડી સાથે શેર કરવામાં આવ્યો છે અને તેમાં ફની રીતે લખવામાં આવ્યું છે કે, કૂતરો સુપરહીરો બન્યો અને વંટોળનો નાશ કર્યો અને શહેરને આફતમાંથી બચાવ્યું. માત્ર 15 સેકન્ડના આ વીડિયોને લોકો પસંદ કરી રહ્યા છે. હજારો લોકોએ તેને જોઈ લીધો છે.