Viral: ટ્વિટર પર ટ્રેન્ડ થયું #monkeyVsDoge, લોકો ફની Memes કરી રહ્યા છે શેર
ગામલોકોનું કહેવું છે કે આ 'ગેંગવોર' ત્યારે શરૂ થઈ જ્યારે કેટલાક કૂતરાઓએ વાંદરાના બચ્ચાને મારી નાખ્યું. આ પછી વાંદરાઓએ પણ બદલો લેવા માટે કૂતરાઓને મારવાનું શરૂ કરી દીધું.
કેટલીકવાર આવી ઘટનાઓ બને છે, જે લોકોને આશ્ચર્યમાં મૂકી દે છે. આવી જ એક ઘટના આજકાલ સમગ્ર દેશમાં ચર્ચાનો વિષય બની છે. હકીકતમાં, મહારાષ્ટ્રના બીડ જિલ્લાના માજલગાંવમાં, વાંદરાઓ (Monkeys)ના જૂથે બદલો લેવા માટે લગભગ 250 કૂતરાઓ (Dogs) નો જીવ લીધો છે.
વાંદરાઓ દ્વારા કૂતરાઓ (MonkeyVsDoge)ને મારવાનો આ સિલસિલો લગભગ એક મહિનાથી ચાલી રહ્યો છે. આ ઘટનાથી ગ્રામજમાં ડરનો માહોલ છે. ગ્રામજનોનું કહેવું છે કે હવે સ્થિતિ એવી થઈ ગઈ છે કે ગામમાં એક પણ કૂતરા બચ્યા નથી અને હવે વાંદરાઓ ગુસ્સામાં શાળાએ જતા બાળકોને નિશાન બનાવવા લાગ્યા છે. જેના કારણે સમગ્ર વિસ્તારમાં ભયનો માહોલ સર્જાયો છે.
હવે વાંદરાઓએ કૂતરાઓને કેમ મારવાનું શરૂ કર્યું તેની પાછળ એક કહાની છે. ગામ લોકોનું કહેવું છે કે આ ‘ગેંગવોર’ ત્યારે શરૂ થઈ જ્યારે કેટલાક કૂતરાઓએ વાંદરાના બચ્ચાને મારી નાખ્યું. આ પછી વાંદરાઓએ પણ બદલો લેવા માટે કૂતરાઓને મારવાનું શરૂ કરી દીધું. કૂતરાઓને જોતાની સાથે જ તેઓ તેમને ખેંચીને દૂર ફેંકી દે છે.
આ મામલો એટલો ચર્ચામાં આવ્યો છે કે લોકોએ સોશિયલ મીડિયા (Social Media) પર પણ મસ્તી કરવાનું શરૂ કરી દીધું છે અને વિવિધ પ્રકારના ફની મીમ્સ (Funny Memes) શેર કરવાનું શરૂ કરી દીધું છે. ચાલો ટ્વિટર (Twitter) પર શેર કરવામાં આવી રહેલી કેટલીક ટ્વિટ્સ પર એક નજર કરીએ.
