હિન્દુ ધર્મ ગ્રંથનું એક મહિલાએ કર્યુ અપમાન, મનુસ્મૃતિ સળગાવી પીધી સીગારેટ, જુઓ Viral Video

બિહારનો એક વીડિયો આ દિવસોમાં સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં તમે એક યુવતીને જોઈ શકો છો જે હિન્દુ ધર્મ ગ્રંથ મનુસ્મૃતિને સળગાવતી જોવા મળી રહી છે. આ વીડિયો વાયરલ થતાની સાથે જ સોશિયલ મીડિયા પર ખળભળાટ મચી ગયો હતો. લોકો આ વીડિયોને ઝડપથી શેર કરી રહ્યા છે અને કેટલાક લોકો આ યુવતીના સમર્થનમાં તો કેટલાક લોકો તેના વિરુદ્ધમાં કમેન્ટ્સ કરી રહ્યા છે.

આ પણ વાંચો: Video viral : દુનિયાના ‘સૌથી ખતરનાક પક્ષી’નો વીડિયો આવ્યો સામે, જેનો એક જ વાર કોઈને પણ મોતને ઘાટ ઉતારી દે તેવો છે!

જ્યારે કેટલાક લોકોનું કહેવુ છે કે આ વીડિયોમાં દેખાતી યુવતીએ હિન્દુઓની ભાવનાઓને ઠેસ પહોંચાડી રહી છે. ચાલો પહેલા તમને જણાવીએ કે આ વીડિયોમાં શું છે. ઘણા લોકોએ આ વીડિયો સોશિયલ મીડિયા પર શેર કર્યો છે. વીડિયોને અત્યાર સુધીમાં લાખો વખત જોવામાં આવ્યો છે. આ વીડિયોમાં જોઈ શકાય છે કે, એક યુવતીએ હાથમાં સિગારેટ લીધી છે અને તે પછી તે જમીન પર પડેલા હિન્દુ ધર્મ ગ્રંથનું અપમાન કરે છે.

હિન્દુ ધર્મ ગ્રંથ સળગાવીને સિગારેટ પીધી

વીડિયોમાં તમે જોઈ શકો છો કે યુવતી પહેલા ચુલાની મદદથી હિન્દુ ધર્મ ગ્રંથ મનુસ્મૃતિને આગ લગાડે છે અને પછી સળગતા ગ્રંથ સાથે મોંમાં રાખેલી સિગારેટને પણ સળગાવે છે. સિગારેટ સળગાવ્યા પછી, છોકરી તેના મોંમાંથી ધુમાડો બહાર કાઢે છે અને પુસ્તકને ચુલામાં ફેંકી દે છે. વીડિયોમાં તમે જોઈ શકો છો કે છોકરી ચુલા પર ચિકન રાંધતી જોવા મળી રહી છે.

યૂઝર્સ આવી પ્રતિક્રિયા આપી રહ્યા છે

આ વીડિયો સોશિયલ મીડિયા પર ઘણો જોવામાં આવી રહ્યો છે અને લોકો પોતાની પ્રતિક્રિયા આપી રહ્યા છે. ઘણા યુઝર્સ આ વીડિયોની ટિકા કરી રહ્યા છે તો અમુક યુઝર્સ આ વીડિયોને સમર્થન આપી રહ્યા છે.