Viral Video : શખ્સે ઈંગ્લિશ સોન્ગ પર કર્યો જબરદસ્ત ડાન્સ, પણ લાસ્ટમાં થયું એવું કે લોકો હસવું રોકી શક્યા નહીં

આ દુનિયા પ્રતિભાશાળી લોકો (Talented People) થી ભરેલી છે. કેટલાકમાં સિંગિંગ ટેલેન્ટ છે, કેટલાકમાં ડાન્સિંગ છે, કેટલાક જાદુ બતાવવામાં માહિર છે તો કેટલાક ખતરનાક સ્ટંટના ‘બાદશાહ’ કહેવાય છે. સોશિયલ મીડિયા પર તેમનાથી સંબંધિત તમામ પ્રકારના વીડિયો અવારનવાર વાયરલ થાય છે, જે લોકોને આશ્ચર્યમાં મૂકી દે છે. ખાસ કરીને જો ડાન્સની વાત કરીએ તો ક્યારેક આવા વીડિયો જોવા મળે છે, જેમાં વૃદ્ધ લોકો પણ જોરદાર ડાન્સ કરીને લોકોના દિલ જીતતા જોવા મળે છે.

આવો જ એક વીડિયો આજકાલ સોશિયલ મીડિયા પર વાયરલ(Viral Video) થઈ રહ્યો છે, જેમાં એક વ્યક્તિ જે તેના અદભૂત ડાન્સ(Amazing Dance)થી લોકોને ચોંકાવી દેતો જોવા મળી રહ્યો છે, પરંતુ ડાન્સના છેલ્લા ભાગમાં તેની સાથે એવી ઘટના બની જે જોઈ લોકો હસવું રોકી શકતા નથી.

વીડિયોમાં તમે જોઈ શકો છો કે બેકગ્રાઉન્ડમાં એક આકર્ષક ગીત વાગી રહ્યું છે અને એક વ્યક્તિ તેના પર જોરદાર ડાન્સ કરી રહ્યો છે. શરૂઆતમાં, તે ખૂબ જ યુનિક સ્ટાઈલમાં ઝુમતો જોવા મળે છે અને પછી સ્ટેજ પર તેનું શાનદાર પ્રદર્શન શરૂ કરે છે. તેનો શાનદાર ડાન્સ જોઈને દર્શકો જોતા જ રહી જાય છે. મહિલાઓને તેનો ડાન્સ એટલો પસંદ આવે છે કે તેઓ તાળીઓ પાડવા લાગે છે.

જો કે, આ દરમિયાન, જ્યારે તે વ્યક્તિ પોતાનો ડાન્સ પૂરો કરવા જઈ રહ્યો હતો, ત્યારે અચાનક તેનું પેન્ટ ખુલી જાય છે, જેની તેને કદાચ અપેક્ષા ન હોય. બસ, પછી શું, ડાન્સની વચ્ચે આવું દ્રશ્ય જોઈને લોકો હસી પડ્યા.

આ ફની વીડિયોને સોશિયલ મીડિયા પ્લેટફોર્મ ટ્વિટર પર RANDOM FACTS નામની આઈડીથી શેર કરવામાં આવ્યો છે. માત્ર 30 સેકન્ડના આ વીડિયોને અત્યાર સુધીમાં 44 હજારથી વધુ વખત જોવામાં આવ્યો છે, જ્યારે સેંકડો લોકોએ આ વીડિયોને લાઈક પણ કર્યો છે અને વિવિધ ફની પ્રતિક્રિયાઓ પણ આપી છે.

એક યુઝરે લખ્યું છે કે ‘કંઈ પણ થાય, પરંતુ પ્રદર્શન શાનદાર છે’. એ જ રીતે, અન્ય એક યુઝરે વ્યક્તિના ડાન્સને શાનદાર ગણાવ્યો છે, પરંતુ સાથે જ તે એમ પણ કહે છે કે તેને છેલ્લી ક્ષણની આશા નહોતી.