Viral: દુલ્હાની ઘોડી પર ચડી શખ્સે એવો તો ડાન્સ કર્યો કે જોનાર બધા હસી હસીને થઈ ગયા લોટપોટ

ભારતીય લગ્ન (Indian Wedding)માં મિત્રોનું અલગ મહત્વ હોય છે. એક રીતે જોઈએ તો મિત્રો વગરના લગ્ન હંમેશા અધૂરા હોય છે કારણ કે આ લોકો જ છે જે લગ્નમાં ચાર ચાંદ લગાવે છે, પરંતુ ક્યારેક તેઓ મજામાં એવું કંઈક કરી નાખે છે અને જેને જોઈને બધા દંગ રહી જાય છે. આવો જ એક વીડિયો પણ આ દિવસોમાં સામે આવ્યો છે. જેને જોઈને તમે પણ થોડીવાર માટે દંગ રહી જશો.

લગ્ન, પાર્ટીમાં (Marriage viral Video) લોકો ઘણીવાર નાગિન ડાન્સ (Nagin Dance)કરતા જોવા મળે છે. ઘણા લોકો ડાન્સ કરવામાં એટલા મશગૂલ થઈ જાય છે કે તેઓ ડીજે ફ્લોર પર રોલ કરવા લાગે છે, પરંતુ આ દિવસોમાં સોશિયલ મીડિયા પર એક નવો વીડિયો વાયરલ થઈ રહ્યો છે. જેમાં એક વ્યક્તિ ઘોડી પર બેસીને નાગિન ડાન્સ કરી રહ્યો છે. વરરાજા પણ ઘોડા પર સવાર છે. આવી સ્થિતિમાં, વ્યક્તિ અહીં-ત્યાં કલાબાજી કરતો અને નાચતો જોવા મળે છે.

વીડિયોમાં તમે જોઈ શકો છો કે ડાન્સ કરતી વખતે એક વ્યક્તિ અચાનક વરરાજાની ઘોડી પર કૂદી પડ્યો અને નાગિન ડાન્સ કરવાનું શરૂ કરી દીધું. આશ્ચર્યની વાત એ છે કે તે સમયે ઘોડી પર દુલ્હો પણ હાજર હતો. આ દરમિયાન લોકો વરરાજાના મોંઢામાં નોટ દબાવે છે, ત્યારબાદ તે વ્યક્તિ ખુશીથી નાચવા લાગે છે.

આ ડાન્સ વીડિયો લોકોને ખૂબ જ પસંદ આવી રહ્યો છે. આ જ કારણ છે કે ઘણા યુઝર્સે આના પર કમેન્ટ પણ કરી છે. એક યુઝરે લખ્યું છે કે, ‘તેના ડાન્સ પરફોર્મન્સથી તેને આગ લગાવી દીધી છે! અન્ય એક વ્યક્તિએ લખ્યું, ‘એડમીનના લગ્નમાં કોણ ડાન્સ કરશે?’ અન્ય એક યુઝરે લખ્યું, ‘આ નાગિન ડાન્સે ફિઝિક્સના નિયમને ખોટો સાબિત કર્યો છે.’

આ સિવાય અન્ય ઘણા યુઝર્સ આના પર ફની કોમેન્ટ કરી રહ્યા છે. આપની જાણકારી માટે જણાવી દઈએ કે આ ફની વીડિયો memes.bks નામના એકાઉન્ટથી શેર કરવામાં આવ્યો છે. જેને સમાચાર લખ્યા ત્યાં સુધી હજારો વ્યુઝ અને લાઈક્સ મળ્યા છે.

આ પણ વાંચો: NFT: શું છે એનએફટી, શા માટે થઈ રહી છે આટલી ચર્ચા, કેવી રીતે કરે છે કામ, જાણો તમામ વિગત

આ પણ વાંચો: Viral: બિલાડીને પાણી પીવા માટે વ્યક્તિએ કંઈક આ રીતે કરી મદદ, શખ્સની માનવતા જોઈ લોકોએ કર્યા વખાણ