Viral Video: ફાફડા વેચીને ઘર ચલાવતા આ દાદીનો વીડિયો થયો વાયરલ, દાદીની હિંમત જોઈને તમે પણ દંગ રહી જશો

Viral Video: આજકાલ સોશિયલ મીડિયા પર દાદીની પ્રેરણાદાયી કહાનીનો વીડિયો ખુબ વાયરલ થઈ રહ્યો છે. દાદીની કહાની જાણ્યા પછી તમે પણ તેમના વખાણ કરતા થાકશો નહીં. 75 વર્ષની કલાવંતી દોશી(Kalavanti Doshi)  માટે ફાફડા તેના પરિવારનું ગુજરાન ચલાવવાનું સાધન છે. કલાવંતી છેલ્લા 40 વર્ષથી ફાફડા વેચવાનું કામ કરે છે. ઉંમરના આ તબક્કે પણ ફાફડા બનાવવાનો તેમનો ઉત્સાહ જોવા લાયક છે.

દાદીની પ્રેરણાદાયી કહાની

વાયરલ વીડિયોમાં દાદીની પ્રેરણાદાયી કહાની(Inspirational Story) કેપ્શન દ્વારા કહેવામાં આવી છે. જેમાં જણાવવામાં આવ્યુ છે કે કલાવંતીનો પરિવાર વર્ષો પહેલા ગુજરાતથી મહારાષ્ટ્રના નાગપુર શિફ્ટ થયો હતો. જ્યાં તેમના પતિને એક વર્ષ બાદ રોજગારી મળી નહીં.

કલાવંતી કહે છે કે તે સમયે તેની પાસે માત્ર 60 રૂપિયા હતા, પરંતુ બંનેએ હિંમત હારી નહીં. તેમણે ગુજરાતી નાસ્તો ફાફડા વેચવાનું શરૂ કર્યું. શરૂઆતના દિવસોમાં તે માંડ માંડ 50 રૂપિયા કમાણી થતી હતી. પરંતુ ધીમે ધીમે તેની દુકાન ચાલવા લાગી અને આજે તે આ વિસ્તારમાં ‘ફાફડાવાલે’ તરીકે પ્રખ્યાત છે.

જુઓ વીડિયો

કલાવંતી જણાવે છે કે તેના બાળકોએ તેને કહ્યું કે હવે કામ કરવાનું બંધ કરો, પરંતુ છતાં તે કામ ચાલુ રાખવા માંગે છે. દાદી કહે છે કે લોકો તેના બનાવેલા ફફડા (Fafda) ખાવા આવે છે, તેથી તે તેમના માટે હંમેશા કામ કરવા માંગે છે.

સોશિયલ મીડિયા યુઝર્સે દાદીની કરી પ્રશંશા

તમને જણાવી દઈએ કે આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર officialhumansofbombay પરથી શેર કરવામાં આવ્યો છે. યુઝર્સ આ દાદીની કહાની ખુબ પસંદ આવી રહી છે. યુઝર્સ આ વીડિયો શેર કરી રહ્યા છે અને તેના પર વિવિધ પ્રકારની પ્રતિક્રિયા આપતા જોવા મળી રહ્યા છે. જેમાં એક યુઝર્સ (Users) લખ્યુ કે તમારી હિંમતને સલામ.જ્યારે અન્ય યુઝર્સ પણ આ દાદીની પ્રશંશા કરતા જોવા મળી રહ્યા છે.

આ પણ વાંચો : Video : આ યુવકે ભંગારમાંથી Iron Man સુટ બનાવી નાખ્યુ, ટેલેન્ટ જોઈને આનંદ મહિન્દ્રા પણ આશ્વર્ય ચકિત થયા

આ પણ વાંચો :  Viral Video : મીટ કાપવાના છરાથી આ છોકરીએ કપાવ્યા તેના વાળ, વીડિયો સોશિયલ મીડિયામાં વાયરલ