પિતાએ તેના પુત્રનો આખલાના મારથી કર્યો આબાદ બચાવ, જુઓ શ્વાસ થંભાવી દેતો વાયરલ વીડિયો
માતા- પિતા તેમના બાળકોને બચાવવા માટે દુનિયાની કોઈપણ મુશ્કેલીનો એક સેકન્ડ માટે વિચાર કર્યા વગર સામનો કરવા હંમેશા તૈયાર રહે છે. તાજેતરમાં વાયરલ થઈ રહેલા આ વીડિયોએ અનેક લોકોની પ્રશંશા મેળવી છે.
ટેક્સાસમાં (Texas, USA) એક પાગલ આખલાથી તેના પુત્રને બચાવવા માટે એક પિતા તેના શરીરનો ઢાલ તરીકે ઉપયોગ કરતા હોવાનો વીડિયો થોડા દિવસો પહેલા શેયર કરવામાં આવ્યો હતો, ત્યારથી તે ખૂબ વાયરલ થઈ રહ્યો છે. માતા- પિતા તેમના બાળકોને કેટલો પ્રેમ કરી શકે છે, તેની આ વીડિયોએ ફરીથી સાક્ષી આપી છે. આ વીડિયોમાં પિતાના મહાન જુસ્સાને લોકો ખૂબ વખાણી રહ્યા છે.
માતા- પિતા તેના બાળકોની સુરક્ષા માટે કોઈપણ હદ સુધી જઈ શકે છે. ઈન્સ્ટાગ્રામ પર શેયર કરવામાં આવેલો આ વીડિયો આનું શ્રેષ્ઠ ઉદાહરણ દર્શાવે છે. ટેક્સાસમાં રોડીયો દરમિયાન એક પિતા તેમના પુત્રને પાગલ બનેલા આખલાથી બચાવવા માટે તેના પોતાના શરીરનો ઢાલ તરીકે ઉપયોગ કરે છે.
કોડી હુક્સે ઈન્સ્ટાગ્રામ પર તેનો અને તેના પિતાને દર્શાવતો વીડિયો શેયર કર્યો છે. તે એક કાઉબોય છે, જે રિંગમાં પ્રવેશતાની સાથે જ બેભાન થઈને જમીન પર પડી ગયો હતો. તે સમયે તેના પિતા લેન્ડિસ હુક્સ તેના 18 વર્ષના બુલ-રાઈડર પુત્રને બચાવવા માટે બેઠક એરેનામાંથી રિંગની અંદર કૂદી પડ્યા હતા. તેણે પોતાના પુત્રની આસપાસ પોતાની જાતને ઢાંકીને તેને બચાવ્યો હતો.
શ્વાસ થંભાવી દેતો વીડિયો જુઓ અહીંયા –
આ વીડિયો પોસ્ટ કરવામાં આવ્યો, ત્યારથી અત્યાર સુધીમાં બે લાખથી વધુ વ્યુઝ અને ગણતરીઓ એકઠી થઈ છે. તે વિવિધ સોશિયલ મીડિયા સાઈટ્સ પર ઘણા લોકો દ્વારા ફરીથી શેયર કરવામાં આવ્યું છે. લોકો તેમના નિઃસ્વાર્થ કાર્ય માટે પિતાના વખાણ કરવાનું રોકી શક્યા નહીં.
“તમારા પપ્પા એક મહાન વ્યક્તિ છે. તમે નસીબદાર છો, ”એક ઈન્સ્ટાગ્રામ યુઝરે લખ્યું. “તમારા પપ્પા એ રીમાઈન્ડર છે કે સારા પપ્પા અને સારા માણસો હજી પણ અસ્તિત્વમાં છે. તમે બંને ઠીક છો, અને અમે ખુબ ખુશ છીએ!” બીજાએ આ કમેન્ટ પોસ્ટ કરી. “વાહ. તમે બંને ઠીક છો એ જાણીને ખૂબ આનંદ થયો. તમારા પપ્પા અદ્ભુત છે. તેમણે તેમના શરીરનો ઉપયોગ તમારા શરીર માટે ઢાલ બનીને કર્યો હતો. એ પ્રેમ છે. તે તાકાત છે. એ સાચો માણસ છે. ભગવાન તમને બંનેને આશીર્વાદ આપે છે,” ત્રીજાએ આવું વ્યક્ત કર્યું હતું.
