Viral Video News : ઉનાળામાં ઘરે ઘરે આ રીતે બનાવતા હતા ઘરેલુ આઈસક્રીમ, Video જોશો તો યાદ આવશે 90નો દશકો

ગરમીની શરૂઆત થતાં જ લોકો આઈસ્ક્રીમ વિશે વિચારવા લાગે છે. બાળકો હોય કે મોટા, દરેક જણ તેના માટે દિવાના છે. આપણા ઘરોમાં ઘણીવાર જમ્યા પછી આઈસ્ક્રીમ આપવામાં આવે છે. પરંતુ આજકાલ મોટાભાગના લોકો બજારમાંથી લાવેલા આઈસ્ક્રીમનો સ્વાદ તો જાણતા જ હશે, પરંતુ 90ના દાયકાના બાળક પણ ઘરે બનાવેલા આઈસ્ક્રીમનો સ્વાદ સારી રીતે જાણતા હશે… એ આઈસ્ક્રીમનો વિચાર આવતાં જ એક અલગ જ પ્રકારનો સ્વાદ અને અનેક યાદ તાજી થઈ જાય છે. પરંતુ તેને બનાવવા માટે માત્ર દૂધ અને કસ્ટર્ડ પાઉડર જ નહીં, પરંતુ બીજા ઘણા પ્રકારના જુગાડની જરૂર પડે છે.

આજના બાળકો ના તો તે ઘરેલુ આઈસક્રીમનો ટેસ્ટ સમજી શકશે કે ના તો આઈસક્રીમ બનાવવાનું… જો કે આ દિવસોમાં એક વીડિયો સામે આવ્યો છે. જ્યાં બતાવવામાં આવ્યું છે કે કેવી રીતે પહેલા લોકો જુગાડ કરીને આઈસક્રીમ બનાવતા હતા. આ વીડિયોમાં પંખાની મદદથી કેવી રીતે ઘરેલુ આઈસ્ક્રીમ બનાવવામાં આવતો હતો તે દર્શાવવામાં આવ્યું છે.

આ વીડિયો બિઝનેસ ટાયકૂન આનંદ મહિન્દ્રાએ ટ્વિટર પર શેર કર્યો છે. જેમાં એક મહિલા સીલિંગ ફેનની મદદથી આઈસ્ક્રીમ બનાવતી જોવા મળે છે. આ ક્લિપ શેર કરીને બિઝનેસમેને જણાવ્યું કે આઈસ્ક્રીમ બનાવવાની આ ટ્રિક અદભૂત છે. આ ક્લિપને શેર કરતા લખવામાં આવ્યું હતું કે, જ્યાં ઈચ્છા હોય ત્યાં રસ્તો હોય છે… હાથ અને પંખાની મદદથી બનેલો આઈસ્ક્રીમ ફક્ત ભારતમાં જ જોઈ શકાય છે. આ વીડિયો સામે આવતાની સાથે જ તે અદ્ભુત રીતે વાયરલ થયો હતો અને તેના પર ઘણો રિસ્પોન્સ જોવા મળ્યો હતો.

આ પણ વાંચોઃ અહીં આથમતા પહેલા જ ઉગી જાય છે સૂરજ, સાવ અંધારું પણ નથી થતું! જુઓ Viral Video

આ 2:30 લાંબો વીડિયો જોઈને તમે દેશી આઈસ્ક્રીમ કેવી રીતે બનાવવો તે પણ શીખી શકો છો. વીડિયોમાં જોઈ શકાય છે કે એક મહિલા આઈસ્ક્રીમના મિશ્રણને સ્ટીલના મોટા કન્ટેનરમાં નાખીને તૈયાર કરી રહી છે. તે પછી તે તેને એક મોટા કન્ટેનરમાં શિફ્ટ કરે છે અને પછી તેને બરફથી ભરી દે છે અને તેને છત પર લટકતા પંખા સાથે બાંધીને ચાલુ કરે છે. જે પછી પંખો ધીમે-ધીમે ફરે છે અને થોડી વાર પછી આઈસ્ક્રીમ તૈયાર થઈ જાય છે… પછી મહિલા તેને એક કન્ટેનરમાં કાઢીને સર્વ કરે છે.

ટ્રેડિંગ સમાચાર ગુજરાતીમાં વાંચો tv9gujarati.com પર

વાયરલ અને ટ્રેડિંગ વીડિયો સાથે જોડાયેલા તમામ ન્યૂઝ માટે જોડાયેલા રહો…