માછલી પકડવા માટે પક્ષીએ અપનાવી ખાસ યુક્તિ, પીંછા વડે અંધારું કરીને આ રીતે કર્યો શિકાર

કુદરતે બનાવેલા દરેક જીવને કુદરતે કંઈક અનોખું આપ્યું છે, જે તેમને બીજા કરતા અલગ બનાવે છે. જેમ કોઈમાં ઝડપથી દોડવાની ક્ષમતા હોય છે, તો કોઈ પાસે પોતાની જાતને બચાવવા માટે ઝેર હોય છે, જ્યારે ઘણા જીવો એવા હોય છે જેમની પાસે શિકારની એવી પ્રતિભા હોય છે જેને જોઈને લોકો આશ્ચર્યચકિત થઈ જાય છે. આવા જ એક પક્ષીનો વીડિયો આ દિવસોમાં ચર્ચામાં છે. જેના શિકાર કરવાની રીત જોઈને બધા સ્તબ્ધ થઈ ગયા.

જેમ કે, તમે માછલીઓનો શિકાર કરતા ઘણા જીવો જોયા જ હશે, જેઓ પાણીની બહાર ઊભા રહીને કલાકો સુધી ધ્યાન કરીને પોતાના શિકારની રાહ જોતા હોય છે અને યોગ્ય તક મળે ત્યારે તેમના શિકાર પર હુમલો કરે છે. હવે આ ક્લિપ તમે પોતે જ જુઓ, જે થોડી અલગ છે કારણ કે અહીં એક પક્ષી તેની પાંખ ગોળ ફેરવે છે અને તેને માછલીનો શિકાર કરવા માટે છત્રીની જેમ બનાવે છે. જેને જોઈને માછલીઓ તેની પાસે આવે છે અને તે તેનો શિકાર કરે છે.

અહીં વીડિયો જુઓ

વીડિયોમાં તમે જોઈ શકો છો કે, એક કાળા રંગનું પક્ષી શિકારની શોધ કરી રહ્યું છે, તે પાણીની અંદર તેના શિકારને ખૂબ જ ધ્યાનથી જુએ છે અને તેની બંને પાંખો તેના માથા પાસે આ રીતે ફોલ્ડ કરે છે. કે તે એક છત્ર જેવુ બની જાય છે અને તેને તક મળતા શિકાર પર તરત જ ત્રાટકે છે. તે આ જ પ્રક્રિયાને વારંવાર પુનરાવર્તિત કરે છે. પક્ષીઓના શિકારની આ પદ્ધતિ ખરેખર ખૂબ જ અલગ છે જે તમે ભાગ્યે જ પહેલા ક્યારેય જોઈ હશે.

આ વીડિયો ટ્વિટર પર @leedsbirder નામના એકાઉન્ટ દ્વારા શેર કરવામાં આવ્યો છે. જે એક કરોડથી વધુ વખત જોવામાં આવ્યો છે. આ સિવાય 17 હજારથી વધુ લોકોએ આ વીડિયોને લાઈક કર્યો છે અને કોમેન્ટ કરીને પોતાનો પ્રતિભાવ આપવામાં આવી રહ્યો છે.

એક યુઝરે લખ્યું કે, ‘આ પક્ષી શિકાર કરતી વખતે છત્રીની જેમ તેની પાંખોનો ઉપયોગ કરે છે જેથી તે પાણીમાંથી આવતા પ્રકાશના પ્રતિબિંબથી પોતાને બચાવી શકે.’ જ્યારે અન્ય એક યુઝરે લખ્યું કે, પક્ષી શરમાળ છે અને ખાતી વખતે તે કોઈને તેનું મોં બતાવવા નથી માંગતું. આ સિવાય બીજા ઘણા લોકો કોમેન્ટ કરીને પોતાનો પ્રતિભાવ આપી રહ્યા છે.