G20 Meeting: ચંદીગઢમાં નાટુ-નાટુની ધૂન પર વિદેશી મહેમાનોએ કર્યો જોરદાર ડાન્સ, જુઓ અદભૂત ડાન્સ મૂવ્સ

આ દિવસોમાં ભારતના વિવિધ શહેરોમાં G-20બેઠકોની શ્રેણી ચાલી રહી છે. દેશમાં આ G-20 મીટિંગ સાથે જોડાયેલા તમામ સમાચાર આખી દુનિયામાં હેડલાઇન્સ બની રહ્યા છે. જી-20 દેશોના કૃષિ પ્રતિનિધિઓની બીજી બેઠક બુધવારે ચંદીગઢમાં શરૂ થઈ છે. મીટીંગમાં એક અદ્ભુત નજારો જોવા મળ્યો જ્યારે વિદેશી મહેમાનો ફિલ્મ RRR ના ઓસ્કાર વિજેતા ગીત ‘નાટુ નાટુ’ધૂન પર ડાન્સ કરતા જોવા મળ્યા હતા જણાવી દઈએ કે હાલ વિદેશી મહેમાનો હરિયાણા અને ચંદીગઢમાં રોકાશે અને તેમના માટે શુક્રવારે પંચકુલાના પિંજોરમાં ડિનરનું આયોજન કરવામાં આવ્યું છે.

પિંજોરમાં અનેક કાર્યક્રમો યોજાશે

પિંજોરમાં વિદેશી મહેમાનો માટે માત્ર એક શાનદાર રાત્રિભોજનનું આયોજન કરવામાં આવ્યું નથી, પરંતુ આ પ્રસંગે સાંસ્કૃતિક કાર્યક્રમોનું પણ આયોજન કરવામાં આવશે. વિદેશી મહેમાનો પિંજોરના યાદવીન્દ્ર ગાર્ડનમાં સ્વાદિષ્ટ વાનગીઓનો સ્વાદ માણશે. આ સભાઓની તૈયારીમાં સરકારે કોઈ કસર છોડી નથી અને યાદવીન્દ્ર ગાર્ડનને આ પ્રસંગ માટે દુલ્હનની જેમ શણગારવામાં આવ્યો છે. આ પ્રસંગે યાદવિન્દ્ર ગાર્ડનની 7 ટેરેસને રંગબેરંગી રોશની અને ફૂલોથી શણગારવામાં આવી રહી છે અને સ્વચ્છતાનું ખાસ ધ્યાન રાખવામાં આવ્યું છે.

આ પણ વાંચો :‘મુન્ની’ના કારણે પોલીસ થઈ બદનામ, મહિલા સબ ઈન્સ્પેક્ટર 5000ની લાંચ લેતા ઝડપાયા, જુઓ Viral Video

G20 પ્રમુખપદ ભારત માટે મોટી તક છે

તમને જણાવી દઈએ કે 1 ડિસેમ્બર, 2022 થી 30 નવેમ્બર, 2023 સુધી, ભારતે એક વર્ષ માટે G20 નું પ્રમુખપદ મેળવ્યું છે. દેશ માટે આ મોટી તક છે તેનો અંદાજ સંયુક્ત રાષ્ટ્રમાં ભારતના રાજદૂત રુચિરા કંબોજના તાજેતરના નિવેદન પરથી લગાવી શકાય છે. કંબોજે કહ્યું હતું કે G20ની અધ્યક્ષતા એ ભારતનો અત્યાર સુધીનો સૌથી મહત્વપૂર્ણ આંતરરાષ્ટ્રીય પ્રયાસ છે. તેમણે કહ્યું હતું કે G20 બેઠકો એવા સમયે યોજાઈ રહી છે જ્યારે વિશ્વ આબોહવા પરિવર્તનથી લઈને આર્થિક મંદી, ખાદ્ય અને ઉર્જા અસુરક્ષા અને ભૌગોલિક રાજકીય સંઘર્ષો જેવા અનેક પડકારોનો સામનો કરી રહ્યું છે.