Anand Mahindra ને આ Video ખૂબ ગમ્યો, શેર કર્યો અને કહ્યું- ‘દરેક શહેરમાં આવું હોવું જોઈએ’

Sports Area Under Flyover : તમે જોયું હશે કે શહેરોમાં બનેલા મોટાભાગના ફ્લાયઓવરની નીચે લોકો તેમના વાહનો પાર્ક કરે છે અથવા તો તે જગ્યા પર ભીડ થઈ જાય છે. ઘણી જગ્યાએ તમને કચરાના ઘર જેવું લાગશે. જો કે મુંબઈમાં એક પુલ નીચે આ જગ્યાનો સારો ઉપયોગ કરીને તેને સ્પોર્ટ્સ એરિયામાં ફેરવી દેવામાં આવ્યું છે. જ્યાં હવે બાળકો ક્રિકેટ અને બાસ્કેટબોલ જેવી રમતો ખૂબ આનંદથી રમી શકે છે. તેનો વીડિયો પણ સામે આવ્યો છે, જેને જોઈને ઉદ્યોગપતિ આનંદ મહિન્દ્રા એટલા પ્રભાવિત થઈ ગયા કે તેમણે પોતાના દિલની વાત પણ કરી.

આ પણ વાંચો : ગજબ! Highway નીચે 3 દિવસમાં બનાવી દીધી સુરંગ, આનંદ મહિન્દ્રાએ Viral Video શેર કરી કહી આ વાત

આ વીડિયો @Dhananjay_Tech નામના યુઝરે ટ્વિટર પર શેર કર્યો હતો, જેને રિટ્વીટ કરીને ઉદ્યોગપતિ આનંદ મહિન્દ્રાએ લખ્યું હતું કે, ‘Transformational. દરેક શહેરમાં આવો.’ વાયરલ થઈ રહેલા વીડિયોમાં કેટલાક બાળકો ફ્લાયઓવરની નીચે ક્રિકેટ રમતા જોવા મળે છે. તમે જોઈ શકો છો કે બ્રિજની નીચે ખાલી જગ્યા વચ્ચે ક્રિકેટ, બેડમિન્ટન અને બાસ્કેટબોલ રમવા માટે કોર્ટ બનાવવામાં આવ્યા છે.

અહીં પુલની નીચે રમત-ગમતની સુવિધાનો વીડિયો જુઓ

નથી કોઈ એન્ટ્રી ફી

વીડિયો બનાવનારા વ્યક્તિના કહેવા પ્રમાણે, આ પુલ નવી મુંબઈનો છે. યુવકનું કહેવું છે કે અહીં કોઈપણ આવીને રમી શકે છે, કારણ કે આ સુવિધા દરેક માટે બિલકુલ ફ્રી છે. યુવક આગળ જણાવે છે કે બોલ રસ્તા પર ન જાય તે માટે ચારેબાજુ નેટ લગાવવામાં આવી છે. અંતે, યુવક કહે છે – પુલ નીચેની ખાલી જગ્યાનો શ્રેષ્ઠ ઉપયોગ. હવે નેટીઝન્સ આ વીડિયો પર આનંદથી તેમની પ્રતિક્રિયાઓ નોંધાવી રહ્યા છે.

ઈન્દોરમાં પણ આવી સુવિધા છે

@deepak_j_yadav નામના ટ્વિટર એકાઉન્ટના એક યુઝરે જણાવ્યું કે ઈન્દોરમાં પિપલિયાહાના બ્રિજની નીચે પણ આવું જ એક સ્પોર્ટ્સ સેન્ટર બનાવવામાં આવ્યું છે, જ્યાં બાળકો વિવિધ રમતોનો આનંદ લઈ શકે છે.

ટ્રેડિંગ સમાચાર ગુજરાતીમાં વાંચો tv9gujarati.com પર

વાયરલ અને ટ્રેડિંગ વીડિયો સાથે જોડાયેલા તમામ ન્યૂઝ માટે જોડાયેલા રહો…