રશ્મિકા મંદન્ના (Rashmika Mandanna) અને અલ્લુ અર્જુનની (Allu Arjun) ફિલ્મ પુષ્પા (Pushpa The Rise) સેલેબ્સના માથા પરથી ઉતરવાનું નામ નથી લઈ રહી. ફિલ્મના ગીત ‘સામી સામી’ પર દરેક લોકો ડાન્સ વીડિયો બનાવી રહ્યા છે. આજે પણ ઈન્સ્ટાગ્રામ પર પુષ્પાના ગીતો પર ઘણી રીલ બની રહી છે. ‘સામી સામી’ ગીતનું હૂક સ્ટેપ દરેકનું ફેવરિટ ડાન્સ સ્ટેપ બની ગયું છે. અત્યાર સુધી તમે ભારતની મોટી હસ્તીઓથી લઈને સામાન્ય લોકો સુધી આ ગીત પર વીડિયો બનાવતા જોયા જ હશે.
આ ફિલ્મનો ક્રેઝ માત્ર ભારતના લોકોમાં જ નહીં પરંતુ વિશ્વના અન્ય ઘણા દેશોના લોકોમાં પણ ધૂમ મચાવી રહ્યો છે. હાલના દિવસોમાં પણ અમેરિકામાં રહેતી બે યુવતીઓનો એક વીડિયો વાયરલ થઈ રહ્યો છે. જેને નેટીઝન્સ દ્વારા ખૂબ પસંદ કરવામાં આવી રહ્યું છે.
વીડિયોમાં પરંપરાગત ડ્રેસ પહેરેલી બે છોકરીઓ પુષ્પાના ગીત ‘સામી-સામી’ પર ધમાકેદાર ડાન્સ કરી રહી છે. આ યુવતીઓના ડાન્સમાં એટલી એનર્જી છે કે જો ફિલ્મની એક્ટ્રેસ રશ્મિકા મંદન્ના (Rashmika Mandanna) તેના સ્ટેપ્સ જુએ તો કદાચ તે પણ તેની ફેન બની જાય.
વીડિયોમાં તમે જોઈ શકો છો કે પુષ્પા ફિલ્મના ગીત ‘સામી-સામી’ પર બે છોકરીઓ ધમાકેદાર ડાન્સ કરતી જોવા મળી રહી છે. તેમના પરફોર્મન્સ દરમિયાન બંનેએ ટ્રેડિશનલ સાડીઓ પહેરી છે. બંને છોકરીઓ જે રીતે ગીતના ડાન્સ સ્ટેપ પરફોર્મ કરતી જોવા મળે છે, છોકરીઓએ ડાન્સની સાથે-સાથે અદભૂત એક્સપ્રેશન પણ આપ્યા છે.
આ વીડિયો ઈન્સ્ટાગ્રામ પર radhapriyankaandraju_gari_ammayi_ નામના એકાઉન્ટ દ્વારા શેયર કરવામાં આવ્યો છે. આ વીડિયો એટલો જબરદસ્ત છે કે તેને અત્યાર સુધીમાં હજારો વ્યૂઝ મળી ચૂક્યા છે. વીડિયોની સૌથી ખાસ વાત એ છે કે, બંને યુવતીઓએ મૂળ ડાન્સ કરતાં બિલકુલ અલગ પરફોર્મ કર્યું છે. ભારત અને વિદેશમાં રહેતા અલ્લુ અર્જુનના ચાહકોને આ વીડિયો ખૂબ જ પસંદ આવી રહ્યો છે અને તેઓ તેને પોતાના પરિવાર અને મિત્રો સાથે પણ જોરદાર રીતે શેયર કરી રહ્યાં છે.
આ પણ વાંચો: Funny Video: આળસુ કૂતરાનો ફની વીડિયો થઈ રહ્યો છે વાયરલ, મહિલા તેને આ રીતે લઈ ગઈ બહાર