આસામના દારંગમાં એક વ્યક્તિએ સિક્કાઓથી ભરેલી બોરી લઈને સ્કૂટરના શો રુમમાં પહોંચ્યો હતો. મળતી માહિતી મુજબ સિપાઝર વિસ્તારનો રહેવાસી મોહમ્મદ સૈદુલ હકે સિક્કાઓથી ભરેલી બોરી કે જેમાં તેના છેલ્લા ઘણા વર્ષોથી બચત કરેલા પૈસા સિક્કા હતા તે લઈને તે સ્કૂટર ખરીદવા શો રુમમાં ગયો હતો. તેણે જણાવ્યું હતુ કે ઘણા વર્ષોની મહેનત બાદ તેણે આ પૈસા જમા કર્યા છે. ત્યારે આ યુવકનો બોરી લઈને શો રુમમાં પ્રવેશ કરતો વીડિયો વાયરલ થઈ રહ્યો છે.
આ દરમિયાન શોરૂમના માલિક મનીષ પોદ્દારે જણાવ્યું હતું કે તેમને માહિતી મળી હતી કે એક ગ્રાહક 5-6 વર્ષથી સિક્કા જમા કરીને સ્કૂટર ખરીદવા આવ્યો છે. મને ખૂબ જ આનંદ છે કે આવા ગ્રાહક અમારી પાસે આવ્યા. તેમણે સિક્કાઓને ભેગા કરીને 90 હજાર જેટલી રકમ જમા કરી છે.
#WATCH | Assam: Md Saidul Hoque, a resident of the Sipajhar area in Darrang district purchased a scooter with a sack full of coins he saved. pic.twitter.com/ePU69SHYZO
— ANI (@ANI) March 22, 2023
મોહમ્મદ સૈદુલ હકે જણાવ્યું કે હું બોરાગાંવ વિસ્તારમાં એક નાની દુકાન ચલાવું છું અને સ્કૂટર ખરીદવાનું મારું સપનું હતું. ત્યારે આ સપનું પુરુ કરવા છેલ્લા 5-6 વર્ષ પહેલા સિક્કા એકત્ર કરવાનું શરૂ કર્યું હતું અને આખરે, મેં મારું સપનું પૂરું કર્યું છે. ત્યારે હું હવે ખરેખર ખુબ જ ખુશ છું.
ટુ વ્હીલર શોરૂમના માલિકે કહ્યું કે જ્યારે મારા એક્ઝિક્યુટિવે મને કહ્યું કે એક ગ્રાહક અમારા શોરૂમમાં 90,000 રૂપિયાના સિક્કા સાથે સ્કૂટર ખરીદવા આવ્યો છે, ત્યારે હું પહેલાતો ચોંકી ગયો પણ પછી મને ખુબ જ આનંદ થયો કારણ કે મેં ટીવી પર આવા સમાચાર જોયા હતા. ત્યારે હું ઈચ્છું છું કે તે ભવિષ્યમાં તે ફોર વ્હીલર પણ ખરીદે.
ત્યારે સિક્કાથી ભરેલી થેલી સાથે સૌપ્રથમ શોરૂમમાં પ્રવેશતા જોઈને ત્યાંનો હાજર સ્ટાફ સ્તબ્ધ થઈ ગયો હતો. આ વ્યક્તિ પોતાની બોરીમાં 5 રૂપિયા અને 10 રૂપિયાના સિક્કા લઈને પહોંચી ગયો હતો. પૈસા ભરેલી બોરી જોઈ સ્ટાફ પણ આશ્ચર્યચકિત થઈ ગયો હતો. જ્યારે વ્યક્તિએ કહ્યું કે તે આ સિક્કા ભેગા કરીને સ્કૂટી ખરીદવા માંગે છે તો શોરૂમ મેનેજર હસી પડ્યા હતા . તેઓને ખાતરી નહોતી કે આટલા બધા સિક્કા વ્યક્તિએ કેવી રીતે ભેગા કર્યા
અહીં સ્કૂટર ખરીદ્યા બાદ મોહમ્મદ સૈદુલ હકે જણાવ્યું કે, હું બોરાગાંવ વિસ્તારમાં એક નાની દુકાન ચલાવું છું અને સ્કૂટર ખરીદવાનું મારું સપનું હતું. મેં 5-6 વર્ષ પહેલા સિક્કા એકત્ર કરવાનું શરૂ કર્યું હતું. આજે મેં મારું સપનું પૂરું કર્યું છે.