Wi-Fi મોડેમમાં આટલા એન્ટેના શા માટે હોય છે ? શું તેમની સંખ્યા વધારવા-ઘટાડવાથી ઇન્ટરનેટની ગતિને અસર થાય છે ?
Wi-Fi મોડેમ(Wi-Fi Modem)ના ત્રણ મુખ્ય ઘટકો છે, નેટવર્ક પોર્ટ, એન્ટેના અને CPU.આમાં સૌથી મહત્વનું કામ એન્ટેનાનું છે. મોડેમનો એન્ટેના પોતે WiFi નેટવર્કની રેન્જ વધારવાનું કામ કરે છે.
વાઇફાઇ મોડેમ(Wi-Fi Modem)વિવિધ એન્ટેના સાથે આવે છે. કેટલાકમાં એક એન્ટેના છે અને કેટલાકમાં બે છે હવે 3 એન્ટેના સાથેના વાઇફાઇ મોડેમ પણ ઉપલબ્ધ છે. શું તમે ક્યારેય વિચાર્યું છે કે એન્ટેનાની સંખ્યામાં વધારો અથવા ઘટાડો કરવાથી તેના કાર્યને અસર થાય છે? આને સમજવા માટે પહેલા એ જાણવું જરૂરી છે કે WiFi મોડેમ કેવી રીતે કામ કરે છે.
Wi-Fi મોડેમના ત્રણ મુખ્ય ઘટકો છે, નેટવર્ક પોર્ટ, એન્ટેના અને CPU.આમાં સૌથી મહત્વનું કામ એન્ટેનાનું છે. મોડેમનો એન્ટેના પોતે WiFi નેટવર્કની રેન્જ વધારવાનું કામ કરે છે. સાદી ભાષામાં, એન્ટેના મોડેમમાંથી પ્રાપ્ત સિગ્નલ મેળવે છે અને વાયરલેસ રીતે ઇન્ટરનેટને વપરાશકર્તાના ડિવાઈસ સુધી પહોંચાડે છે.
જો મોડેમમાં એન્ટેના નહીં હોય, તો મોડેમ અથવા રાઉટરમાંથી પ્રાપ્ત થઈ શકે તેવી WiFi ની રેન્જ ખૂબ મર્યાદિત થઈ જશે. ઘરના જુદા જુદા ભાગોમાં કનેક્ટિવિટી વધુ કે ઓછી હશે. તેથી, સંપૂર્ણ સિગ્નલ માટે એન્ટેના હોવું ખૂબ જ મહત્વપૂર્ણ છે. આ તો હતી એન્ટેનાની ખુબી, હવે ચાલો સમજીએ કે તેમની સંખ્યા વધારવાથી અથવા ઘટાડવાથી શું અસર થશે.
નેટવર્ક ફ્રોમ હોમના અહેવાલ મુજબ, મોડેમ અથવા રાઉટરમાં વધુ એન્ટેના હોવાનો મતલબ સારુ પરફોર્મન્સ છે. એટલે કે, વધુ સારું નેટવર્ક કવરેજ મેળવવું. હાલમાં, 2 અથવા 3 એન્ટેનાવાળા મોડેમ વધુ ઉપયોગમાં લેવાય છે. આ એટલા માટે પણ છે કે રેન્જમાં જાડી દિવાલો અથવા આવા કોઈ અવરોધને કારણે વાઈફાઈની કામગીરી પ્રભાવિત ન થાય.
હવે ચાલો સમજીએ કે એન્ટેનાની સંખ્યાના આધારે આને કેવી રીતે અલગ કરી શકાય. સિંગલ એન્ટેનાનો અર્થ છે કે તે ફક્ત 2.4GHz ફ્રીક્વન્સી બેન્ડનો ઉપયોગ કરીને ઉપકરણોને કનેક્ટ કરી શકે છે. બે એન્ટેનાનો અર્થ છે કે તે 2.4GHz અને 5GHz ફ્રિકવન્સી બેન્ડ બંને સાથે કનેક્ટ થઈ શકે છે. એ જ રીતે, 3 એન્ટેના સાથેનું મોડેમ વધુ સારું માનવામાં આવે છે.
Published On - 8:32 am, Thu, 19 May 22