શા માટે ચેટજીપીટીએ સેમ ઓલ્ટમેને હટાવ્યા, ગઈકાલ સુધી જેના પર હતો કંપનીને આંધળો વિશ્વાસ
ChatGPTની પેરેન્ટ કંપનીએ અચાનક CEO સેમ ઓલ્ટમેનને હટાવી દીધા છે. કંપનીએ ઓલ્ટમેનની ક્ષમતાઓમાં વિશ્વાસ ગુમાવ્યો અને તેને હાંકી કાઢ્યો. આ પછી વચગાળાના સીઈઓ મીરા મૂર્તિએ ચાર્જ સંભાળ્યો છે. કંપનીએ તેના બ્લોગ પોસ્ટમાં લખ્યું છે કે બોર્ડ દ્વારા ચર્ચા અને સમીક્ષા બાદ ઓલ્ટમેનને હાંકી કાઢવામાં આવ્યો છે.
ChatGPTની પેરેન્ટ કંપની Open AIએ સેમ ઓલ્ટમેનને CEO પદ પરથી હટાવી દીધા છે. કંપનીએ અચાનક સેમ ઓલ્ટમેન પરથી વિશ્વાસ ગુમાવી દીધો છે. સેમ ઓલ્ટમેન ગઈકાલ સુધી કંપનીની માટે સર્વેસર્વા હતા. પરંતુ આજે કંપનીએ તેમને બહારનો રસ્તો બતાવી દીધો છે. કંપનીના જણાવ્યા અનુસાર બોર્ડે સેમ ઓલ્ટમેનની ક્ષમતાઓ પરથી વિશ્વાસ ગુમાવી દીધો છે. કંપનીએ તેના બ્લોગ પોસ્ટમાં લખ્યું છે કે બોર્ડ દ્વારા ચર્ચા અને સમીક્ષા બાદ ઓલ્ટમેનને હાંકી કાઢવામાં આવ્યો છે.
કંપનીના જણાવ્યા મુજબ, સેમ ઓલ્ટમેન બોર્ડ સાથેની તેમની વાતચીતમાં સ્પષ્ટ ન હતા. ઓપનએઆઈના ચીફ ટેક્નોલોજી ઓફિસર મીરા મૂર્તિ હાલના સમય માટે વચગાળાના સીઈઓ તરીકે સેવા આપશે. કંપનીના જણાવ્યા અનુસાર, તે કાયમી સીઈઓની શોધ ચાલુ રાખશે. જોકે, કંપનીની આ જાહેરાત બાદ AI કર્મચારીઓ આશ્ચર્યચકિત થઈ ગયા છે.
ગયા વર્ષે આવ્યું હતું ચેટબોટ
તમને જણાવી દઈએ કે ONAIએ ગયા વર્ષે નવેમ્બરમાં તેનો ChatGPT ચેટબોટ રજૂ કર્યો હતો. તે વિશ્વની સૌથી ઝડપથી વિકસતી સોફ્ટવેર એપ્લિકેશન બની ગઈ છે. ChatGPT ચેટબોટના પ્રકાશન સાથે, જનરેટિવ AI ટ્રેન્ડ પણ શરૂ થયો હતો. તે ખૂબ જ ટૂંકા ગાળામાં સમગ્ર વિશ્વમાં ઝડપથી વિસ્તરતી સોફ્ટવેર એપ્લિકેશન્સમાંની એક બની ગઈ છે. ઓપનએઆઈના જાહેર ચહેરા તરીકે 38 વર્ષના સેમ ઓલ્ટમેન સેવા આપી ચૂક્યા છે. માઇક્રોસોફ્ટે ઓપનએઆઇમાં અબજો ડોલરનું રોકાણ કર્યું છે.
AI લોન્ચ કરવામાં મહત્વપૂર્ણ યોગદાન
ઓપન AI લીડર સેમ ઓલ્ટમેનની આગેવાની હેઠળ ચેટ GPT AI બોટની રજૂઆતે સમગ્ર વિશ્વમાં આર્ટિફિશિયલ ઈન્ટેલિજન્સ અંગેની ચર્ચાને વેગ આપ્યો છે. ઓપન AI લોન્ચ કરવામાં ઓલ્ટમેને મહત્વની ભૂમિકા ભજવી છે. તમને જણાવી દઈએ કે ઓપનએઆઈએ નવેમ્બર 2022માં વિશ્વ સમક્ષ ChatGPTને રજૂ કર્યું હતું. આ AI ટૂલ ઝડપથી લોકપ્રિય થઈ રહ્યું છે. સંગીત અને કવિતા લખવાથી લઈને નિબંધો લખવા સુધી, ChatGPT ઘણું બધું કરી શકે છે.
ગ્રેગ બ્રોકમેને પણ કંપની છોડી દીધી
સેમ ઓલ્ટમેનના રાજીનામા બાદ OpenAIના પ્રમુખ ગ્રેગ બ્રોકમેને પણ કંપની છોડી દીધી છે. તેણે સોશિયલ મીડિયા પ્લેટફોર્મ X પર લખ્યું છે કે આઠ વર્ષ પહેલા તેના એપાર્ટમેન્ટમાં શરૂ કરીને અમે સાથે મળીને જે બનાવ્યું છે તેના પર અમને ગર્વ છે.
આ પણ વાંચો: સ્માર્ટવોચનો વધુ પડતો ઉપયોગ બની શકે છે જીવલેણ, આ બાબતોનું રાખો ધ્યાન
ટેક્નોલોજીના તમામ સમાચાર વાંચવા માટે અહીં ક્લિક કરો