Tech Tips: ફોન સાફ કરતા સમયે આ ભૂલ ક્યારેય ન કરવી, કાયમ માટે ખરાબ થઈ શકે છે સ્ક્રિન

આપણે દિવસભર ફોનનો ઉપયોગ કરીએ છીએ અને આ જ કારણ છે કે તે ખૂબ જ ઝડપથી ગંદા થવા લાગે છે. ફોન હંમેશા આપણી સાથે હોય છે, પરંતુ બહુ ઓછા લોકો તેને સાફ કરવાની કાળજી લે છે. જ્યારે પણ આપણે ફોન સાફ કરવાનો હોય છે, ત્યારે સામાન્ય રીતે આપણે તેને પહેરેલા કપડા પર ઘસતા હોઈએ છીએ. પરંતુ ઘણા લોકો જાણે છે કે જો તેને યોગ્ય રીતે સાફ ન કરવામાં આવે તો મોટું નુકસાન થઈ શકે છે. ચાલો જાણીએ ફોન કેવી રીતે સાફ કરવો જોઈએ.

આ પણ વાંચો: Tech Tips: WhatsApp ચેટનું રંગ રૂપ બદલવા માગો છો ? ફોલો કરો આ સરળ સ્ટેપ્સ

કાપડ કેવું હોવું જોઈએ

સ્માર્ટફોન કે ટેબની ટચસ્ક્રીન સાફ કરવા માટે હંમેશા માઈક્રોફાઈબર કાપડનો ઉપયોગ કરવો જોઈએ. તે ખૂબ જ નરમ હોય છે અને સ્ક્રીનને સ્ક્રેચ આવતા નથી. સામાન્ય કાપડની તુલનામાં તેમાં ખૂબ જ નરમ રેસા હોય છે.

Point વાળી વસ્તુઓથી દૂર રાખો ફોન

ઘણી વખત લોકો ઘરમાં પડેલી ટૂથપિક્સ, પીન જેવી પોઇન્ટેડ વસ્તુઓનો ઉપયોગ કરીને સ્માર્ટફોનની ગંદકી સાફ કરે છે. ખાસ કરીને લોકો આ વસ્તુઓને જેકમાં નાખે છે. પરંતુ આમ કરવાથી સ્માર્ટફોનને નુકસાન થઈ શકે છે અથવા સંપૂર્ણપણે બંધ થઈ શકે છે, તેથી તેનો ઉપયોગ ન કરવો જોઈએ.

ફોનની સ્ક્રીનને બરાબર કેવી રીતે સાફ કરવી

તમે સ્ક્રીન સાફ કરી રહ્યા હોવ ત્યારે યાદ રાખો કે સ્ક્રીન પર નીચેથી ઉપર અથવા ઉપરથી નીચે સુધી કાપડને સાફ ન કરો. આમ કરવાથી સ્ક્રીનમાં ભેજ આવવાનો ભય રહે છે. જો તમે કાપડને સ્ક્રીન પર ગોળ-ગોળ ફેરવીને સાફ કરો તો વધુ સારું રહેશે અને સ્ક્રીનને કોઈપણ રીતે નુકસાન નહીં થાય.

લિક્વિડનો ઉપયોગ કરતી વખતે સાવચેતી રાખો

પાણી આધારિત લિક્વિડ ક્લીનર્સનો ક્યારેય ઉપયોગ કરશો નહીં કારણ કે તે સ્ક્રીનને નુકસાન પહોંચાડી શકે છે અને તમારા સ્માર્ટફોનને સંપૂર્ણપણે બગાડી શકે છે. સ્ક્રીનને સાફ કરવા માટે ક્યારેય હાર્ડ કેમિકલ અને પાણીનો ઉપયોગ ન કરો, આ માટે જો શક્ય હોય તો બજારમાં ઉપલબ્ધ ટેસ્ટેડ લિક્વિડ ક્લીનર જ ખરીદો.