WhatsApp પર તમે મેળવી શકો છો Pension Slip, જાણો સ્ટેપ બાય સ્ટેપ પ્રોસેસ

દેશની સૌથી મોટી સરકારી બેંક સ્ટેટ બેંક ઓફ ઈન્ડિયાએ પેન્શનરો માટે ખાસ સુવિધા શરૂ કરી છે. SBIની આ વિશેષ સુવિધા શરૂ થયા બાદ હવે પેન્શનધારકોને ઈન્સ્ટન્ટ મેસેજિંગ એપ WhatsApp પર જ પેન્શન સ્લિપ મળશે. વ્હોટ્સએપ પર પેન્શન સ્લિપ મેળવવાની પ્રક્રિયા ખૂબ જ સરળ છે, એટલું જ નહીં, તમે SBI WhatsApp સેવાનો ઉપયોગ કરીને બેલેન્સની માહિતી વગેરે જેવી બીજી ઘણી સુવિધાઓ પણ મેળવી શકો છો.

વોટ્સએપ પર આ સુવિધા શરૂ થયા બાદ હવે પેન્શનધારકોની બેંકોમાં ચક્કર કાપવાની ઝંઝટનો અંત આવ્યો છે. આજે આ લેખ દ્વારા અમે તમને જણાવવા જઈ રહ્યા છીએ કે જો તમને પણ પેન્શન મળે છે તો તમે તમારી પેન્શન સ્લિપ WhatsApp દ્વારા કેવી રીતે મેળવી શકો છો. હાલમાં જ સ્ટેટ બેંક ઓફ ઈન્ડિયાએ ટ્વિટ કરીને આ જાણકારી આપી છે અને તે વોટ્સએપ નંબર પણ જણાવ્યો છે જેના પર તમે મેસેજ કરીને પેન્શન સ્લિપ મેળવી શકો છો.

SBI Pension Slip WhatsApp: જુઓ રીત

• SBIના ટ્વીટ પ્રમાણે સૌથી પહેલા તમારે આ નંબર +91 9022690226 તમારા મોબાઈલમાં સેવ કરવાનો રહેશે.
• સ્ટેટ બેંક ઓફ ઈન્ડિયા દ્વારા આપવામાં આવેલા આ નંબરને ફોનમાં સેવ કર્યા બાદ તમારે આ નંબર પર Hi લખીને મેસેજ કરવાનો રહેશે.
• મેસેજ મોકલ્યા પછી તમને સામેથી ત્રણ વિકલ્પો મળશે, મિની સ્ટેટમેન્ટ, બેલેન્સ ઈન્ક્વાયરી અને પેન્શન સ્લિપ.
• આ પછી, તમારે લોકોએ પેન્શન સ્લિપનો વિકલ્પ પસંદ કરવો પડશે, સાથે જ તમે કયા મહિના માટે પેન્શન સ્લિપ ઈચ્છો છો તે વિશે પણ જણાવવું પડશે.
• આ પછી, તમને સામેથી બીજો મેસેજ આવશે, જેમાં લખવામાં આવશે, થોડીવાર રાહ જુઓ, તમને જલ્દી જ પેન્શન સ્લિપ મળી જશે.

પેન્શન સ્લિપ મેળવતા પહેલા આ કામ જરૂરી છે: SBI WhatsApp બેંકિંગ સેવાનો ઉપયોગ કરવા માટે ખાતાધારકે પહેલા પોતાની નોંધણી કરાવવી પડશે. નોંધણી માટે ખાતાધારકે સ્પેસ આપ્યા પછી અને પોતાનો એકાઉન્ટ નંબર દાખલ કર્યા પછી બેંકમાં નોંધાયેલા તેના મોબાઇલ નંબર પરથી 7208933148 પર WAREG ટેક્સ્ટ મોકલવો પડશે.