Tech Tips : હજુ સુધી નથી કર્યું PAN-Aadhaar લિંક ? ભરવો પડશે 1 હજારનો દંડ, આ રીતે કરો લિંક અને ભરો પેનલ્ટી

છેલ્લા ઘણા દિવસોથી તમે સાંભળતા જ હશો કે આધાર-પાન લિંક (PAN-Aadhaar Link)કરવું જોશે ત્યારે આધાર-PAN લિંક કરવું ખૂબ જ જરૂરી છે અને તેની છેલ્લી તારીખ 30 જૂન છે. આ તારીખ પસાર થઈ ગઈ છે અને જો તમે હજુ સુધી આધાર-PAN લિંક નથી કરાવ્યું તો તમારે હવે દંડ (Penalty) ભરવો પડશે. 1,000 રૂપિયા સુધીનો દંડ છે. આવી સ્થિતિમાં, અહીં અમે તમને જણાવી રહ્યા છીએ, કે તમે કેવી રીતે Aadhaar-PAN લિંક કરી શકો છો. સાથે એ પણ જણાવશું કે તમે PAN-આધાર લિંક કરતી વખતે વસૂલવામાં આવનાર દંડ કેવી રીતે ભરી શકો છો. સૌથી પહેલા ચાલો જાણીએ કે Aadhaar-PAN કેવી રીતે લિંક કરવું.

Aadhaar-PAN લિંક કરવાની સરળ રીત:

1. સૌ પ્રથમ, વ્યક્તિએ આવકવેરા ઈ-ફાઈલિંગ પોર્ટલ https://incometaxindiaefiling.gov.in/ ની મુલાકાત લેવી પડશે.
2. પછી તમારે તમારી વિગતો સાથે નોંધણી કરવી પડશે. તમારો PAN નંબર જ તમારું યુઝર આઈડી હશે.
3. તે પછી યુઝર આઈડી, પાસવર્ડ અને જન્મ તારીખ અને લોગિન કરો.
4. હવે તમને એક પોપ-અપ વિન્ડો દેખાશે જે તમને તમારા PAN ને આધાર સાથે લિંક કરવાનું કહેશે. આ માટે તમારે મેનુ બારમાં જવું પડશે અને પછી પ્રોફાઇલ સેટિંગ્સમાં જવું પડશે. ત્યાર બાદ આધાર લિંક કરવાનું રહેશે.
Web Stories View more

IPS ને કોણ કરી શકે છે સસ્પેન્ડ ? જાણો ગુજરાતમાં કોની પાસે છે સત્તા

Video : તમારા ઘરમાં દેશી ટોઇલેટ છે ? જાણી લો રંક માંથી રાજા બનવાનું રહસ્ય

શનિની સાડાસાતી વખતે શું ન કરવું જોઈએ? જાણો નિયમો નહીં તો થશે નુકસાન !

બોલિવૂડની આટલી અભિનેત્રીઓ પાસે છે વિદેશી નાગરિકતા, જુઓ તસવીર

ભારતીય રૂપિયાનું દુનિયાના આ 5 દેશોમાં છે જબરદસ્ત વર્ચસ્વ, જાણો નામ

પાકિસ્તાનથી ભારત આવે છે આ રોજીંદી ઉપયોગી વસ્તુ, જાણો નામ

5. કેટલીક વિગતો પહેલેથી જ લખવામાં આવી હશે. આ પછી, તમારે તમારા આધાર સાથે તમારી PAN માહિતીની ચકાસણી કરવી પડશે.
6. પછી તમારો આધાર નંબર દાખલ કરો અને Link Now પર ક્લિક કરો.
7. આ પછી તમને સ્ક્રીન પર એક મેસેજ બતાવવામાં આવશે કે તમારું આધાર-PAN લિંક થઈ ગયું છે.

હવે ધ્યાનમાં રાખવાની વાત એ છે કે જો તમે આજે તમારા PAN ને આધાર સાથે લિંક કરાવો છો, તો તમારે 1000 રૂપિયાની લેટ ફી ચૂકવવી પડશે. PAN આધાર લિંક કરતી વખતે દંડની રકમ કેવી રીતે ચૂકવવી? ચાલો જાણીએ.

1. આધાર-PAN લિંકિંગ કરતા પહેલા, તમારે https://onlineservices.tin.egov-nsdl.com/etaxnew/tdsnontds.jsp ની મુલાકાત લો.
2. પછી CHALLAN NO./ITNS 280 હેઠળ આપેલ Continue પર ક્લિક કરો. પછી ટેક્સ એપ્લીકેબલ પર ક્લિક કરો.
3. ધ્યાનમાં રાખો કે તમારે ફક્ત (0021) Income Tax (Other than Companies) અને (500) અન્ય રસીદો પસંદ કરવાની રહેશે.
4. તેમાંથી કોઈ એક મોડ પસંદ કરો જેના દ્વારા તમારે નેટ બેંકિંગ અથવા ડેબિટ કાર્ડ દ્વારા ચુકવણી કરવી પડશે.
5. પછી PAN દાખલ કરો અને અસેસમેન્ટ વર્ષ પસંદ કરો અને પછી સરનામું દાખલ કરો.
6. પછી કેપ્ચા કોડ દાખલ કરો અને Proceed ટેબ પર ક્લિક કરો.
7. NSDL માં કરવામાં આવેલ ચુકવણી ઈ-ફાઈલિંગ પોર્ટલ પર દેખાવામાં થોડા દિવસો લાગે છે. તેથી, કરદાતાઓને 4-5 દિવસ પછી જ PAN-આધાર લિંક કરવાની સલાહ આપવામાં આવે છે.