Instagram લાવ્યુ નવું ફીચર, હવે સેવ કરેલી પોસ્ટ શોધવી થઈ જશે વધુ સરળ, આ રીતે કરી શકશો તેનો ઉપયોગ

હજારો લોકો Instagramનો ઉપયોગ કરી રહ્યા છે. કંપની તેના યૂઝર્સના અનુભવને વધુ સારો બનાવવા માટે સતત નવા ફેરફારો કરી રહી છે. આ ફેરફારને ચાલુ રાખીને, Instagram એ એક નવું ફીચર રજૂ કર્યું છે, જેનો હેતુ વપરાશકર્તાઓને ડેડિકેટેડ લોકેશન પર ફોટો શેર કરવા અને સેવ કરવા માટે સક્ષમ કરવાનો છે. તેને કોલાબોરેટિવ કલેક્શન કહેવામાં આવે છે.

આ પણ વાંચો: અવકાશમાંથી પૃથ્વી કેવી દેખાય છે? ISROએ જાહેર કરી અદ્ભુત તસવીરો, ચમકતું જોવા મળ્યું ભારત

આ સુવિધા બુકમાર્કિંગના એક્સ્ટેન્શન જેવી છે, જે વપરાશકર્તાઓને સરળ ઍક્સેસ માટે સેવ કરેલી પોસ્ટને ગોઠવવાની મંજૂરી આપે છે. Instagramના વડા એડમ મોસેરીએ ફોટો અને વીડિયો શેરિંગ પ્લેટફોર્મ પર તેમની ચેનલમાં જણાવ્યું કે “કલેક્શન એ Instagram પર મારી પ્રિય સુવિધાઓમાંની એક છે અને અમે આ એટલા માટે કરીએ છીએ, જેથી તમે મિત્રોના કલેક્શન સાચવી શકો,” .

કેવી રીતે કરવું યુઝ

કલેક્શનની જેમ, આ સુવિધા વપરાશકર્તાઓને સરળ ઍક્સેસ માટે ખાનગી ગ્રુપમાં સેવ કરેલી પોસ્ટ્સને ગોઠવવાની મંજૂરી આપશે, કોલાબોરેટિવ કલેક્શન મિત્રો અથવા સંબંધીઓના ગ્રુપમાં પોસ્ટ્સને શેર અને સાચવવાની મંજૂરી આપશે, જેથી તેઓ પછીથી ઍક્સેસ કરી શકાય.

હવે જ્યારે વપરાશકર્તાઓ ફીડ પર અથવા DMsમાંથી કન્ટેન્ટ સેવ કરે છે, ત્યારે તેઓ કોલાબોરેટિવ કલેક્શન બનાવવા માટે એક નવો વિકલ્પ જોશે. ત્યાંથી વપરાશકર્તાઓ કલેક્શનને એક કસ્ટમ નામ આપી શકે છે અને તે ચોક્કસ કલેક્શનને મિત્રો સાથે શેર કરી શકે છે. એકવાર મિત્રોના ગ્રુપ પાસે જાય છે, તે પછી તેઓ તેમાં રીલ્સ, એક્સપ્લોર, ફીડ અને ડીએમમાંથી કન્ટેન્ટ ઉમેરવાનું શરૂ કરી શકે છે.

ઈન્સ્ટાગ્રામ લેટેસ્ટ શેર સુવિધા

તાજેતરના અહેવાલમાં જણાવવામાં આવ્યું છે કે સોશિયલ મીડિયા પ્લેટફોર્મ એક નવી સુવિધાનું ટેસ્ટિંગ કરી રહ્યું છે જે વપરાશકર્તાઓને તેમના દ્વારા તાજેતરમાં શેર કરેલી રીલ્સની ઝટપટ ઍક્સેસ મેળવવા માટે સક્ષમ બનાવશે. આ વપરાશકર્તાઓ માટે તે રીલને ફરીથી શેર કરવાનું સરળ બનાવશે.

ટેકનોલોજીના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ફોન અને ગેઝેટ સાથે જોડાયેલા તમામ સમાચાર વાંચવા માટે જોડાયેલા રહો…