FASTag Recharge: ફાસ્ટેગ કેવી રીતે રિચાર્જ કરવું અને રિફંડ કેવી રીતે મેળવવું? જાણો સ્ટેપ બાય સ્ટેપ પ્રોસેસ
કેટલાક લોકોને ખબર નથી હોતી કે FASTag કેવી રીતે રિચાર્જ કરવું અને રિફંડ કેવી રીતે મેળવવું. અહીં અમે તમને જણાવીશું કે તમે કેવી રીતે FASTag રિચાર્જ કરી શકો છો અને તેનું રિફંડ મેળવી શકો છો.
ઉનાળાની રજાઓ પૂરી થઈ ગઈ છે, ઘણા લોકો તેમના અંગત વાહન સાથે પ્રવાસે જવાનું આયોજન કરતા હશે. પરંતુ તે પહેલા ચેક કરો કે તમારા ફાસ્ટેગમાં બેલેન્સ છે કે નહીં. ઓછા બેલેન્સવાળા અથવા બેલેન્સ વગરના ટેગ FASTag વગરના વાહનોની બરાબર છે. જેના કારણે તમારે ટોલ પ્લાઝા પર બમણો ટેક્સ ચૂકવવો પડી શકે છે. FASTag એ ઇલેક્ટ્રોનિક ટોલ કલેક્શન ચિપ છે જે ભારતમાં રાષ્ટ્રીય ધોરીમાર્ગો પર મુસાફરી કરતા તમામ લોકો માટે ફરજિયાત બનાવવામાં આવી છે.
કોઈ કાર અથવા વાહન FASTag સાથે રાષ્ટ્રીય ધોરીમાર્ગને પાર કરે છે, ત્યારે ટોલની રકમ લિંક કરેલ બેંક ખાતા અથવા પ્રીપેડ વોલેટમાંથી આપમેળે કપાઈ જાય છે. જેમાં તમારે ટોલ પ્લાઝા પર કેસ આપવાની જરૂર રહેતી નથી. કેટલાક લોકોને ખબર નથી હોતી કે FASTag કેવી રીતે રિચાર્જ કરવું અને રિફંડ કેવી રીતે મેળવવું. અહીં અમે તમને જણાવીશું કે તમે કેવી રીતે FASTag રિચાર્જ કરી શકો છો અને તેનું રિફંડ મેળવી શકો છો.
ફાસ્ટેગ એકાઉન્ટ કેવી રીતે રિચાર્જ કરવું?
તમે તમારું FASTag એકાઉન્ટ ઓનલાઈન અથવા ઓફલાઈન રિચાર્જ કરી શકો છો. આ માટે, કાં તો તમે તમારી બેંકની સત્તાવાર વેબસાઇટ પર જાઓ અથવા સીધા રિચાર્જ માટે તમારી બેંકની એપ્લિકેશન ડાઉનલોડ કરો. જો તમે ઇચ્છો તો, તમે તમારા FASTag એકાઉન્ટને રિચાર્જ કરવા માટે Gpay, PhonePe અથવા Paytm જેવી ડિજિટલ પેમેન્ટ એપનો ઉપયોગ કરી શકો છો. Paytm દ્વારા તમારા ફાસ્ટેગને રિચાર્જ કરવા માટે આ પ્રક્રિયાને અનુસરો.
- આ માટે સૌથી પહેલા તમારી Paytm એપ ઓપન કરો.
- અહીં તમને ફાસ્ટેગ રિચાર્જનો વિકલ્પ દેખાશે, તેના પર ક્લિક કરો.
- તમારી ફાસ્ટેગ ઇશ્યુ કરનાર બેંક પસંદ કરો.
- આ પછી તમારો વાહન નંબર / વાહન નોંધણી નંબર ભરો.
- હવે proceed પર ક્લિક કરો અને તમારું રિચાર્જ પૂર્ણ કરવા માટે એન્ટર કરો.
ખોટા FASTag ટ્રાન્જેક્શનના રિફંડ માટે કેવી રીતે એપ્લાય કરવું
FASTag મેનેજમેન્ટ સિસ્ટમ આપમેળે ભૂલભરેલા FASTag વ્યવહારોને શોધી કાઢે છે અને 3-7 દિવસમાં રિફંડ જનરેટ કરે છે. જો તમને રિફંડ મળ્યું નથી, તો કસ્ટમર કેર નંબરનો સંપર્ક કરો જેણે તમને FASTag ઈશ્યુ કર્યું છે.
ટેક્નોલોજીના તમામ સમાચાર વાંચવા માટે અહીં ક્લિક કરો
Published On - 10:31 am, Mon, 29 May 23
