Tech Tips: એક આધાર પર કેટલા સિમ કાર્ડ છે રજિસ્ટર્ડ, ક્યાંક તમારી સાથે પણ નથી થયુંને આ ફ્રોડ ?
હેકર્સ તમારા આધારનો ઉપયોગ કરીને સિમનો ઉપયોગ કરી રહ્યા છે, તો તે તમારા માટે ઘાતક સાબિત થઈ શકે છે. આવી સ્થિતિમાં, તમારા આધાર કાર્ડ પર કેટલા સિમ કાર્ડ (SIM Card) નોંધાયેલા છે તે જાણવું મહત્વપૂર્ણ છે.
મોટાભાગના લોકો તેમના આધાર કાર્ડ (Aadhar Card)નો ઉપયોગ નવો મોબાઈલ નંબર ખરીદવા માટે કરે છે અને મોટાભાગના લોકો આધાર કાર્ડની પ્રાઈવસીને સમજે છે. જો કોઈ અજાણ્યો વ્યક્તિ અથવા કોઈ હેકર્સ તમારા આધારનો ઉપયોગ કરીને સિમનો ઉપયોગ કરી રહ્યા છે, તો તે તમારા માટે ઘાતક સાબિત થઈ શકે છે. તે ફક્ત તમારું બેંક એકાઉન્ટ જ હેક કરી શકશે નહીં, પરંતુ તેનો ઉપયોગ રાષ્ટ્ર વિરોધી પ્રવૃત્તિઓમાં પણ કરી શકે છે. આવી સ્થિતિમાં, તમારા આધાર કાર્ડ પર કેટલા સિમ કાર્ડ (SIM Card) નોંધાયેલા છે તે જાણવું મહત્વપૂર્ણ છે.
આ રીતે એક આધાર પર નોંધાયેલ નંબર તપાસો
- આ માટે તમારે માત્ર વેબસાઈટ https://tafcop.dgtelecom.gov.in/ ની મુલાકાત લેવાની રહેશે.
- આ વેબસાઈટ પર તમારે તમારો મોબાઈલ નંબર એન્ટર કરવાનો રહેશે.
- આ પછી ફોન નંબર પર એક OTP આવશે, જેને એન્ટર કરવાનો રહેશે.
- સાચો OTP દાખલ કર્યા પછી, વપરાશકર્તાઓ સ્ક્રીન પર આધાર કાર્ડ સાથે નોંધાયેલ મોબાઇલ નંબર જોશે.
આ વેબસાઇટ્સ કેવી રીતે કામ કરે છે
આવી સ્થિતિમાં, તમારા આધાર સાથે નોંધાયેલ મોબાઇલ નંબર સ્ક્રીન પર દેખાવા લાગશે. જો એવો કોઈ નંબર છે, જે તમારા આધાર કાર્ડ પર નોંધાયેલ નથી, તો તમે તેની જાણ કરી શકો છો. જાણ કરતી વખતે તમારું નામ આપવું જરૂરી છે.
આ વેબસાઇટ્સના ઉપયોગથી મળ્યુ આ પરિણામ
અમે બે નંબરો સાથે એક પછી એક આ વેબસાઇટ્સને ઍક્સેસ કરી. પહેલા આધાર રજિસ્ટર્ડ અને OTP ડેટા પર મોબાઈલ નંબર નાખ્યો, પછી સ્ક્રીન પર માત્ર એક જ નંબર દેખાયો, ત્યારબાદ જે મોબાઈલ નંબર આધાર પર નોંધાયેલ ન હતો, તેને એન્ટર કર્યો અને OTP સબમિટ કર્યો. આ પછી અમને જાણવા મળ્યું છે કે કેટલાક અન્ય એવા છે જેનો ઉપયોગ હજુ સુધી કરવામાં આવ્યો નથી. આવી સ્થિતિમાં, તમે તેમની જાણ કરી શકો છો અને તેમને બંધ કરી શકો છો.