WhatsApp મિસ્ડ કોલ માટે લાવ્યું Do Not Disturb મોડ, જાણો કેવી રીતે કરશે કામ

ઇન્સ્ટન્ટ મેસેજિંગ પ્લેટફોર્મ વોટ્સએપ યુઝર્સની સુવિધા માટે તેની એપ પર દરરોજ નવા ફીચર્સ લાવે છે. ત્યારે હવે ડુ નોટ ડિસ્ટર્બ મોડની એન્ટ્રી કરવામાં આવી છે. આ ફીચરની મદદથી યુઝર્સ હવે વોટ્સએપમાં ડુ નોટ ડિસ્ટર્બ મોડનો લાભ લઈ શકશે, જ્યારે મિસ્ડ કોલની માહિતી પણ Do Not Disturb માં મેળવી શકાશે. એટલે કે, હવે DND મોડમાં હોવા છતાં, તમે લેબલ પર જઈને કૉલની માહિતી મેળવી શકો છો. તમને જણાવી દઈએ કે તાજેતરમાં જ વોટ્સએપએ એક નવું કોમ્યુનિટી ફીચર પણ બહાર પાડ્યું છે.

વોટ્સએપના ફીચર્સને ટ્રેક કરતી વેબસાઈટ WABetaInfoએ વોટ્સએપના આ ફીચર વિશે માહિતી આપી છે. WABetaInfoએ આ ફીચરનો સ્ક્રીનશોટ પણ શેર કર્યો છે. કંપની હાલમાં આ ફીચર બીટા યુઝર્સ માટે રોલઆઉટ કરી રહી છે. આગામી દિવસોમાં તેનું સ્ટેબલ વર્ઝન પણ બહાર પાડવામાં આવી શકે છે.

કેવી રીતે એક્ટિવ કરવું

રિપોર્ટ અનુસાર, તમે ફોનના સેટિંગમાં જઈને આ ફીચરને એક્ટિવેટ કરી શકો છો. આ પછી તમને તમારા કોઈ મિત્ર કે પરિવારના સભ્યો તરફથી મેસેજ અને કોલ નહીં મળે. એટલે કે આ ફીચરની મદદથી તમે કોઈપણ ખલેલ વિના તમારા કામ પર ફોકસ કરી શકો છો. ઉપરાંત, DND મોડમાં મિસ્ડ કૉલ પણ પછીથી જોઈ શકાય છે.

જાણો તે કેવી રીતે કરશે કામ

જો તમારા વોટ્સએપમાં DND મોડ ઓન હોય, તો કોલ રિસીવ થવા પર ડુ નોટ ડિસ્ટર્બ દ્વારા સાયલન્સ્ડનું લેબલ દેખાશે. આ પછી તમે પછીથી ડુ નોટ ડિસ્ટર્બ સેટિંગ્સમાં જઈને આ લેબલમાં મિસ્ડ કોલ વિશે માહિતી મેળવી શકશો.

કમ્યુનિટીમાં 50 જેટલા WhatsApp ગ્રુપ ઉમેરી શકો છો

તાજેતરમાં જ કંપનીએ યુઝર્સ માટે કોમ્યુનિટી ફીચર રજૂ કર્યું હતું. આ ફીચરની મદદથી યુઝર્સ એક કોમ્યુનિટીમાં 50 જેટલા વોટ્સએપ ગ્રુપ એડ કરી શકે છે. આ સાથે, તમે હવે એક જ જગ્યાએ પડોશીઓ, શાળા અને કાર્યસ્થળના ગ્રુપને ઉમેરી શકો છો. આટલું જ નહીં, યુઝર્સ આ ફીચર દ્વારા ગ્રુપ ચેટ પણ મેનેજ કરી શકે છે.

જણાવી દઈએ કે વોટ્સએપ ધીમે ધીમે આ ફીચરને રોલ આઉટ કરી રહ્યું છે. આગામી થોડા અઠવાડિયામાં, તે તમામ વપરાશકર્તાઓ સુધી પહોંચશે. જો તમને વોટ્સએપનું આ નવું ફીચર મળ્યું છે, તો તમે તેનો ઉપયોગ એક જ જગ્યાએ અલગ-અલગ ગ્રુપ એડ કરવા માટે કરી શકો છો.