Whatsapp યુઝર્સ માટે બે નવી સુવિધાઓ લાવી રહ્યું છે. જેમાં હવે Whatsapp યુઝર્સને તેમના કોન્ટેક પર સ્ટીકર પેક(Sticker Pack)મોકલી શકશે. આ સિવાય કંપનીએ વોઇસ નોટમાં પણ ફેરફાર કર્યા છે. હવે યુઝર્સને પ્રાપ્ત થયેલી વોઇસ નોટ સીધી લાઇનને બદલે વેવફોર્મમાં જોવા મળશે. Whatsapp યુઝર્સ માટે આ નવા ફીચર્સને આગળ ધપાવી રહી છે. Whatsapp શરૂઆતમાં બીટા વપરાશકર્તાઓ માટે સુવિધા ઉપલબ્ધ કરાવશે. તેમજ એવી અપેક્ષા છે કે આગામી દિવસોમાં વૈશ્વિક યુઝર્સ માટે આ બંને સુવિધાઓનું વર્ઝન લાવવામાં આવશે.
વોટ્સએપ વેવફોર્મ
WABetaInfo ના અહેવાલ મુજબ, વોટ્સએપ હાલમાં વોઇસ વેવફોર્મ પર કામ કરી રહ્યું છે. આ સુવિધા દ્વારા કંપની વોટ્સએપમાં કેટલાક કોસ્મેટિક ફેરફાર કરી રહી છે. વોઇસ-નોટ માટે આ સુવિધાના રોલઆઉટ પછી યુઝર્સને આ સંદેશ વેવફોર્મમાં જોવા મળશે. હાલમાં જ્યારે તમે વોટ્સએપમાં વોઇસ નોટ મોકલો છો ત્યારે એક સીધી લાઇન(progression bar) દેખાય છે.
વોટ્સએપમાં આવનારી આ સુવિધા ઇન્સ્ટાગ્રામના વોઇસ મેસેજ ફિચર જેવી જ છે. વોટ્સએપનું આ ફીચર વર્ઝન નંબર 2.21.13.17 પરથી રોલ કરવામાં આવી રહ્યું છે. કંપની ટૂંક સમયમાં Android અને iOS વપરાશકર્તાઓ માટે આ સુવિધાનું વર્ઝન રજૂ કરશે.
https://twitter.com/WABetaInfo/status/1400360932765802496
વોટ્સએપ સ્ટીકર પેક
વોટ્સએપ તેના એન્ડ્રોઇડ બીટા એપ માટે ફોરવર્ડ સ્ટીકર પેક(Sticker Pack)પણ રોલ કરી રહ્યું છે. કંપની વોટ્સએપ બીટાના એન્ડ્રોઇડ વર્ઝન 2.21.13.15 સાથે આ સુવિધા લાવી રહ્યું છે. આ સુવિધાની મદદથી યુઝર્સ તેમના સંપર્કો સાથે સ્ટીકર પેક શેર કરવામાં સક્ષમ હશે. આ સુવિધા વોટ્સએપના બિલ્ટ સ્ટીકરો માટે ઉપલબ્ધ રહેશે. યુઝર્સ આના દ્વારા થર્ડ પાર્ટી સ્ટીકર પેક્સને ફોરવર્ડ કરી શકશે નહીં.
જો તમે વોટ્સએપ બીટા યુઝર્સ છો તો તમે તમારા ફોનમાં આ નવી સુવિધા ચકાસી શકો છો. બીટા યુઝર્સ વોટ્સએપ સ્ટીકર્સ સ્ટોર પર જઈને ફોરવર્ડ સ્ટીકર બટનને ચકાસી શકે છે. આઇઓએસ માટે પણ કંપની આ નવી સુવિધા વિકસાવી રહી છે.
Published On - 4:37 pm, Sat, 26 June 21