Kundli GPT AI : હવે AI ચેટબોટ પરથી મળશે કુંડળી સંબંધિત માહિતી, જાણી શકાશે ભવિષ્ય !

કોઇ પોતાનું ભવિષ્ય જાણવા માંગે તો તે તરત કોઇ જ્યોતિષ પાસે જાય છે અને પોતાની કુંડળી બતાવે અને જ્યોતિષ પાસે જીવનને લગતી સમસ્યાનું સમાધાન માંગે છે, પરંતુ ઘણી વખત લોકો જ્યોતિષ પાસે જઇ શકતા નથી, તો એવી લોકો માટે આધુનિકતા અને ટેક્નોલોજીની મદદથી આપણી કુંડળી જાણવી વધુ સરળ બની ગઈ છે. હવે આધુનિક રીતે તમે તમારૂ ભવિષ્ય જાણી શકો છો.

આ પણ વાંચો : Artificial Intelligence: જો તમે આ 5 વસ્તુઓ શીખો તો AI તમારી નોકરી નહીં ખાય, તમારો પગાર વધશે

AIના રૂપમાં દુનિયામાં ધૂમ મચાવનાર Chat GPT હવે જ્યોતિષના ક્ષેત્રમાં પણ પોતાનો હાથ અજમાવી રહી છે. કોઈપણ જ્યોતિષની જેમ, AI તમારા દરેક પ્રશ્નનો જવાબ આપશે તમને તમારા ભવિષ્ય વિશે બધું જ કહેશે. અભ્યાસથી લઈને કારકિર્દી સુધી અને કુટુંબથી લઈને લગ્ન સુધી, હવે તમે AI દ્વારા વિગતવાર બધું શોધી શકો છો.

KundliGPT શું છે?

હકીકતમાં, કંપનીએ AI-સંચાલિત વૈદિક જ્યોતિષી ચેટબોટ KundliGPT બનાવ્યું છે જે તમારા જન્મના ચાર્ટની ગણતરી કરશે.

સૌ પ્રથમ, તમારે ચેટબોટ પર તમારી વિગતો દાખલ કરવી પડશે. પછી આ ચેટબોટ તમારા જીવન સાથે જોડાયેલા તમામ પ્રશ્નોના જવાબ આપશે.KundliGPT ટેક્નોલોજી અને વૈદિક જ્ઞાનને જોડીને તમારી વિગતોની ગણતરી કરશે અને પછી તમારું ભવિષ્ય જણાવશે.ખાસ વાત એ છે કે KundliGPT જ્યોતિષની જેમ જ ગ્રહોની સ્થિતિ (ગ્રહોની શાંતિ માટેના ઉપાય) અને કુંડળીમાં તેમની સ્થિતિનું પણ મૂલ્યાંકન કરે છે.

ત્યાર બાદ વૈદિક જ્ઞાન અનુસાર કયા ગ્રહની દશાની અસરની ગણતરી કરીને પરિણામ આપે છે.

KundliGPT નો ઉપયોગ કેવી રીતે કરવો?

Google પર KundliGPT.com વેબસાઇટ પર જાઓ અને તેને ખોલો. પછી ભાષા પસંદ કરો અને ‘Get Started’ પર ક્લિક કરો. આ પછી તમારી વિગતો દાખલ કરો. તમારું નામ, જન્મ તારીખ, જન્મ સમય અને જન્મ સ્થળ સંબંધિત સાચી માહિતી ભરો.

જો તમને તમારું જન્મ સ્થળ ખબર નથી, તો તમે તેમાં આપેલા નકશાના વિકલ્પમાંથી જન્મ સ્થળની વિગતો પણ ભરી શકો છો.

તમારી બધી માહિતી ભર્યા પછી, ‘જનરેટ કુંડલી’ના વિકલ્પ પર ક્લિક કરો. તમારો ચાર્ટ તમારી સામે દેખાશે. તમારી સામે જન્માક્ષર ખુલતાની સાથે જ નીચે ચેટબોટ પણ ખુલશે. તમે આ ચેટબોટ પર જીવન સંબંધિત પ્રશ્નો પૂછી શકો છો.