IRCTC : ઓનલાઇન ટિકીટ બુક કર્યા બાદ ઘરે બેઠા બદલી શકો છો બોર્ડિંગ સ્ટેશન, ફોલોવ કરો આ સ્ટેપ્સ

IRCTC (Indian Railway Catering and Tourism Corporation) લોકોને ઓનલાઈન ટિકિટ બુક કરવાની સુવિધા આપે છે. હાલમાં તહેવારોની સિઝન ચાલી રહી છે. આવી સ્થિતિમાં લોકો ટ્રેનની ટિકિટ અગાઉથી બુક કરે છે જેથી તેમને પછીથી મુશ્કેલી ન પડે. ઉપરાંત, તહેવારોની સિઝનમાં વધુ બુકિંગને કારણે લોકોની સુવિધાને ધ્યાનમાં રાખીને, ભારતીય રેલ્વે પણ ઘણી વિશેષ ટ્રેનો ચલાવે છે. આ લોકોને વધુ વિકલ્પો આપે છે.

તમને જણાવી દઈએ કે IRCTC ઘરેથી ઓનલાઈન ટિકિટ બુક કરવાની સુવિધા સાથે અન્ય ઘણી સેવાઓ આપે છે, જેમાંથી એક ટિકિટ બુક કર્યા પછી બોર્ડિંગ સ્ટેશન બદલવાનો વિકલ્પ મળે છે. આનો અર્થ એ કે તમે તમારા બોર્ડિંગ સ્ટેશનને ઘરેથી બદલી શકો છો. જો તમે કોઈ કારણસર તમારા બોર્ડિંગ સ્ટેશનને બદલવા માંગતા હો, તો તમે નીચેની રીતે તે કરી શકો છો.

ટિકિટ બુક કર્યા પછી બોર્ડિંગ સ્ટેશનને ઓનલાઈન બદલવા માટે, તમારે પહેલા IRCTC ની સત્તાવાર વેબસાઈટ પર જવું પડશે.

– તે પછી આઈડી અને પાસવર્ડની મદદથી લોગીન કરો.
– લોગ ઇન કર્યા પછી, માય ટ્રાન્ઝેક્શન પર જાઓ. ત્યારબાદ બુકિંગ ટિકિટ હિસ્ટ્રી માટે અહીં આપેલા વિકલ્પ પર ક્લિક કરો.
– હવે તમે સીધા ટ્રેન ટિકિટ પેજ પર પહોંચશો. અહીં તમે તે ટ્રેન પસંદ કરી શકો છો જેના માટે તમે બોર્ડિંગ પોઈન્ટ બદલવા માંગો છો.
– પછી બોર્ડિંગ પોઇન્ટ બદલો બટન પર ક્લિક કરો.
– આમ કરવાથી એક પોપ-અપ વિન્ડો ખુલશે, જેમાં તમામ સ્ટેશનોની યાદી આપવામાં આવશે.
– તમે કોઈપણ સ્ટેશન પસંદ કરી શકો છો. પછી OK પર ક્લિક કરો. આ પછી તમારા મોબાઈલ નંબર પર એક મેસેજ આવશે.

બોર્ડિંગ સ્ટેશન બદલતા પહેલા આ વાતોનું ધ્યાન રાખો.

– આ સુવિધા માત્ર ઓનલાઈન બુકિંગ માટે છે.
– ટ્રેનના નિર્ધારિત પ્રસ્થાનના સમયના 24 કલાક પહેલા બોર્ડિંગ પોઈન્ટ બદલી શકાય છે.
– તમે આ માત્ર એક જ વાર કરી શકો છો.

આ પણ વાંચો –

Jammu-Kashmir ના બારામુલામાં આતંકવાદીઓના એક મદદગારની ધરપકડ, ચીનમાં બનેલા હેન્ડ ગ્રેનેડ સહિત કેટલાય હથિયારો કર્યા જપ્ત

આ પણ વાંચો –

TMKOC : ‘તારક મહેતા કા ઉલ્ટા ચશ્મા’ના ફેન છો ? તો આ જુની તસવીરોમાં તમારા ફેવરિટ કલાકારને ઓળખી બતાવો

આ પણ વાંચો –

IND vs PAK, T20 World Cup 2021: આજે કોણ રહેશે ‘હિરો’, પાકિસ્તાનના બાબર આઝમ પર વિરાટ કોહલી રહેશે ભારે?