ગૂગલની નવી ટેક્નોલોજી, તમે ટેક્સ્ટ લખીને બનાવી શકશો વીડિયો, જાણો કેવી રીતે

ગૂગલે હાલમાં જ એક નવી ટેક્નોલોજી લોન્ચ કરી છે જેની મદદથી તમે ટેક્સ્ટ લખીને વીડિયો બનાવી શકો છો. આ ટેક્નોલોજીનું નામ LUMIERE છે. LUMIERE એ એક ટેક્સ્ટ-ટુ-વીડિયો જનરેશન મોડલ છે જે એક જ પાસમાં વીડિયોના સમગ્ર ટેમ્પોરલ સ્પેન (ફ્રેમ દ્વારા સમગ્ર વીડિયો) બનાવે છે. આ ટેક્નોલોજીનો ઉપયોગ કરીને તમે કોઈપણ વિષય પર વીડિયો બનાવી શકો છો, પછી તે સ્ટોરી હોય, ડાયરેક્ટેડ વીડિયો હોય કે મનોરંજન વીડિયો હોય.

આના દ્વારા તમે ઈમેજીસમાંથી પણ મોશન વીડિયો બનાવી શકો છો. આ ટૂલ કેવી રીતે કામ કરે છે તેનો વીડિયો X પર શેર કરવામાં આવ્યો છે. તમારી સુવિધા માટે, અમે તમને LUMIERE ટેક્નોલોજી વિશે વિગતવાર જણાવી રહ્યા છીએ.

LUMIERE કેવી રીતે કામ કરે છે?

LUMIERE સ્પેસ-ટાઇમ યુ-નેટ આર્કિટેક્ચર અપનાવે છે. આ આર્કિટેક્ચરમાં, મોડેલ વીડિયોની દરેક ફ્રેમને એકસાથે જનરેટ કરે છે, જેનાથી વૈશ્વિક ટેમ્પોરલ સુસંગતતા પ્રાપ્ત થાય છે. મોડેલને ટેક્સ્ટ અને વીડિયો ડેટાસેટ્સ પર તાલીમ આપવામાં આવે છે, જે તેને ટેક્સ્ટમાંથી વધુ સચોટ અને વાસ્તવિક રીતે વીડિયો જનરેટ કરવામાં સક્ષમ બનાવે છે.

LUMIEREનો ઉપયોગ કેવી રીતે કરવો?

LUMIERE હાલમાં ડેવલપિંગના ફેજમાં છે, પરંતુ તમે Google AI પ્લેટફોર્મ પર તેને ઍક્સેસ કરી શકો છો અને તેનો ઉપયોગ કરી શકો છો. પ્લેટફોર્મ પર ગયા પછી, તમારે LUMIERE ટેબ પર જવું પડશે. તે પછી, તમે નવો વીડિયો બનાવવા માટે બનાવો બટનને ક્લિક કરી શકો છો.

નવો વીડિયો બનાવવા માટે, તમારે પહેલા વીડિયો વિષય પસંદ કરવો પડશે. આગળ, તમારે વીડિયો માટે ટેક્સ્ટ લખવાની જરૂર છે. ટેક્સ્ટમાં વીડિયોની વાર્તા, સૂચનાઓ અથવા મનોરંજન એડ કરી શકો છો. એકવાર તમે વીડિયો માટે ટેક્સ્ટ લખી લો તે પછી, તમે ક્રિએટ બટનને ક્લિક કરી શકો છો. મોડલ થોડી મીનિટોમાં તમારા માટે વીડિયો જનરેટ કરશે.

આ પણ વાંચો: ગુગલ અને ઈન્ટરનેટ ન હતું, ત્યારે Forbesએ કેવી રીતે તૈયાર કર્યુ હતું દુનિયાના અમીરોનું પ્રથમ લિસ્ટ?