Bulli Bai App: પાકિસ્તાનની ઘણી વેબસાઇટ હૈક કરી ચૂક્યો છે નીરજ બિશ્નોઇ, દિલ્લી પોલીસે કર્યા ચોંકાવનારા ખુલાસા
આરોપી નીરજ બિશ્નોઈ 15 વર્ષની ઉંમરથી હેકિંગ કરી રહ્યો છે. આ સાથે આરોપીએ દાવો કર્યો છે કે તેણે ભારત અને પાકિસ્તાનમાં ઘણી સ્કૂલ અને યુનિવર્સિટીની વેબસાઈટ હેક કરી છે.
બુલ્લી બાઈ એપ (Bulli Bai App) કેસનો આરોપી અને એપ બનાવનાર નીરજ બિશ્નોઈ (Neeraj Bishnoi) હેકિંગના કામોમાં પણ સામેલ છે. ઈન્ટેલિજન્સ ફ્યુઝન અને સ્ટ્રેટેજિક ઓપરેશન ડીસીપી કેપીએસ મલ્હોત્રાએ જણાવ્યું કે પૂછપરછ દરમિયાન આરોપીએ કબૂલ્યું છે કે તેને હેકિંગની લત છે. તે 15 વર્ષની ઉંમરથી હેકિંગ કરી રહ્યો છે. આ સાથે આરોપીએ દાવો કર્યો છે કે તેણે ભારત અને પાકિસ્તાનમાં ઘણી સ્કૂલ અને યુનિવર્સિટીની વેબસાઈટ હેક કરી છે.
આરોપી નીરજ બિશ્નોઈ જાપાની એનિમેશન ગેમિંગ કેરેક્ટર GIYU તરફ આકર્ષણ ધરાવે છે. તેણે GIYU શબ્દનો ઉપયોગ કરીને ઘણા ટ્વિટર હેન્ડલ બનાવ્યા હતા. તેણે GIYU શબ્દ સાથે એક એકાઉન્ટ બનાવ્યું હતું, જેના દ્વારા તેણે કાયદા અમલીકરણ એજન્સીઓને તેને પકડવા પડકાર ફેંક્યો હતો. તમને જણાવી દઈએ કે બુલ્લી બાઈ એપ પર ઘણી મુસ્લિમ મહિલાઓની તસવીરો અપલોડ કરવામાં આવી હતી અને તેને હરાજી માટે મૂકવામાં આવી હતી.
Accused Niraj had disclosed that he was in touch with the persons arrested by Mumbai Police in the virtual world & used to chat through Twitter group chat. He never met those persons & even didn’t have their contact numbers: Delhi Police DCP (IFSO) KPS Malhotra pic.twitter.com/AvecNPtZfA
— ANI (@ANI) January 8, 2022
આરોપીના પિતા દશરથ બિશ્નોઈએ કહ્યું કે તેમનો પુત્ર હોશિયાર વિદ્યાર્થી છે. તે મોટે ભાગે એકલો રહે છે અને તેના લેપટોપ સાથે ચોંટી જાય છે. તેણે વધુમાં કહ્યું કે 10 માંની પરીક્ષામાં સારા માર્ક્સ મેળવ્યા બાદ તેને આસામ સરકારની એક સ્કીમ હેઠળ લેપટોપ મળ્યુ. લેપટોપ મેળવ્યા પછી તેને તેની આદત પડી ગઈ હતી. માર્ચ 2020 માં પ્રથમ લોકડાઉન દરમિયાન, તેણે લગભગ પોતાને રૂમમાં બંધ કરી દીધો હતો.
જ્યારે 21 વર્ષીય નીરજની ધરપકડ વિશે પૂછવામાં આવ્યું ત્યારે તેના પિતાએ કહ્યું કે દિલ્હી પોલીસના ત્રણ કર્મચારીઓ તેમના આસામ પોલીસ સમકક્ષો સાથે 5 જાન્યુઆરીએ રાત્રે લગભગ 11 વાગ્યે જોરહાટ જિલ્લાના રાજમેદાન વિસ્તારમાં દિગંબર ચોક ખાતેના તેમના ઘરે પહોંચ્યા અને તેમની પૂછપરછ કરી. બીજા દિવસે સવારે તે તેને પોતાની સાથે લઈ ગયા. બુલ્લી બાઈ એપ કેસમાં નીરજ ચોથો આરોપી છે જેની ધરપકડ કરવામાં આવી છે.
તેના પિતા પાસે પીકઅપ વાન છે. તેણે વધુમાં કહ્યું કે તેનો દીકરો શું કરે છે તેની તેને જાણ નથી. તેણે જણાવ્યું કે જ્યારે નીરજ 11મા અને 12મા ધોરણમાં ભણતો હતો ત્યારે પ્રિન્સિપાલે તેનું લેપટોપ ઘણી વખત જપ્ત કર્યું હતું. ઘણી વખત લેપટોપ લેવા જવું પડતું.
આ પણ વાંચો –
SURAT: રિક્ષામાં મુસાફરોના મોબાઈલ તફડાવી લેતો આરોપી પકડાયો
આ પણ વાંચો –
Maharashtra : ભાજપના આ ધારાસભ્યને મારી નાખવાની મળી ધમકી, ગૃહ પ્રધાનને પત્ર લખી તપાસની કરી માંગ
