Virat kohli : 5 ઈનિંગમાં માત્ર 124 રન અને એક અર્ધસદી, વિરાટની આ સ્થિતિને યોગ્ય કરવાનો ઉપાય દિગ્ગજે જણાવ્યો
વિરાટ કોહલીએ ઈંગ્લેન્ડ સામેની વર્તમાન ટેસ્ટ સીરિઝમાં પાંચ ઈનિંગમાં અડધી સદીની મદદથી માત્ર 124 રન બનાવ્યા છે. છેલ્લી 50 ઈનિંગથી તે આંતરરાષ્ટ્રીય ક્રિકેટમાં સદી ફટકારી શક્યો નથી.
Virat kohli :ભારતીય કેપ્ટન વિરાટ કોહલી ઈંગ્લેન્ડ સામેની ટેસ્ટ સીરિઝ (Test series)માં ખરાબ ફોર્મ સાથે સંઘર્ષ કરી રહ્યો છે. પરંતુ ભૂતપૂર્વ કોમેન્ટેટર ડબ્લ્યુવી રમન માને છે કે, તેમણે પોતે જ નેતૃત્વ કરવાને બદલે બાકીનું નેતૃત્વ કરવું જોઈએ. રમણ સોની સ્પોર્ટ્સ માટે કોમેન્ટ્રી કરી રહ્યા છે, તેણે કહ્યું, ‘જો હું વિરાટનો કોચ હોત તો મેં તેને કહ્યું હોત કે, વિરાટ (Virat kohli )આગળ આવીને નેતૃત્વ કરવાનું કામ બહુ થયુ છે. અન્યલોકોને આગળ વધારવાનો પ્રયાસ કરો અને તેમની પાસે કામ કરાવવાની કોશિષ કરો.
મને ખાતરી છે કે, આ સાથે તમે જલ્દીથી તે કરશો જેમાં તમે મહારથ છોતેણે છેલ્લી ઇનિંગ્સમાં તેની જૂની રમતની કેટલીક ઝલક અને ચપળતા બતાવી છે. મારા મતે તે આગામી બે ટેસ્ટમાં સારું પ્રદર્શન કરશે. ‘કોહલીએ ઈંગ્લેન્ડ સામેની વર્તમાન સીરિઝ (series)માં પાંચ ઈનિંગમાં અડધી સદીની મદદથી માત્ર 124 રન બનાવ્યા છે. છેલ્લી 50 ઇનિંગ્સ માથી તે આંતરરાષ્ટ્રીય ક્રિકેટમાં સદી ફટકારી શક્યો નથી.
રમણે વધુમાં કહ્યું કે, એક વખત સચિન તેંડુલકર પણ કોહલી (Virat kohli ) જેવી જ પરિસ્થિતિમાંથી પસાર થયો હતો. તેણે કહ્યું, ‘જુઓ, અમે તેને ન્યાયી ઠેરવી શકતા નથી. જીવનમાં કે અન્ય ક્ષેત્ર જે પણ થાય છે તે હંમેશા ક્રિકેટ (Cricket)માં અમલમાં મૂકી શકાતું નથી. મારો મતલબ કે વિરાટ પર પણ ઘણું દબાણ છે. તે જે કરે છે તેના પર અમે ઘણું ધ્યાન આપીએ છીએ. અમે જાણીએ છીએ કે, તે શ્રેષ્ઠ બેટ્સમેનોમાંનો એક છે. અમને તેના માટે ઘણી આશાઓ છે.
સચિન તેંડુલકર (Sachin Tendulkar)સાથે પણ એવું જ હતું. ત્યારે 95 રન બનાવવાનું પણ નિષ્ફળ માનવામાં આવતો હતો.ભારતીય ટેસ્ટ ટીમના વાઈસ કેપ્ટન અજિંક્ય રહાણે પણ ખરાબ તબક્કામાંથી પસાર થઈ રહ્યા છે. તેના વિશે રમણે, જે ભારતીય મહિલા ટીમના ભૂતપૂર્વ કોચ હતા, કહ્યું કે, આ ખેલાડી પાસે ઘણો અનુભવ છે પરંતુ સફળ થવા માટે વ્યક્તિએ તેના અભિગમ અને પદ્ધતિ પર કામ કરવું પડશે.
તેણે કહ્યું, ‘કદાચ તમે નોટિંઘમ (Nottingham)માં કેએલ રાહુલની ઇનિંગ્સમાંથી શીખી શકશો. તે ખૂબ જ નજીકથી રમી રહ્યો હતો અને બોલ પિચ સુધી પહોંચી રહ્યો હતો. તે જ સમયે, તે બોલને અંત સુધી જોયા પછી છોડી રહ્યો હતો. આ સારી બેટિંગ છે. આ ડ્રેસિંગ રૂમને આત્મવિશ્વાસ પણ આપે છે કે આ કરી શકાય છે. તેથી આ એક એવો કિસ્સો છે
જ્યાં દરેક બેટ્સમેને અભિગમ પર કામ કરવું પડે છે જેથી તે તેને પરિસ્થિતિમાંથી બહાર નીકળવામાં મદદ કરે. રહાણે અનુભવી છે. આંતરરાષ્ટ્રીય ક્રિકેટ (International cricket) રમી છે અને વિદેશોમાં પણ રન બનાવ્યા છે. તેઓએ તેમના અભિગમ અને પદ્ધતિ પર કામ કરવાની જરૂર છે.
આ પણ વાંચો : Ranji Trophy 2021: એક જ ગ્રુપમાં ફસાયેલા રોહિત શર્મા, કેએલ રાહુલ અને રિષભ પંતની ટીમ, 5 જાન્યુઆરીથી શરૂ થશે ટક્કર